چەکدارێن پەیەدێ ناسر ژارۆ ئەندامێ کۆمیتەیا هەرێمی یا PYK-S رەڤاند

چەکدارێن پەیەدێ ل باژارێ عاموودێ یێ رۆژئاڤا کوردستانێ ئەندامەکی کۆمیتەیا ھەرێمی یا پارتیا یەکیتییا کوردستان-سووریێ PYK-S رەڤاند.

ژێدەرێن خوەجھی یێن تایبەت راگھاندن کو بەری دو رۆژان چەکدارێن پەیەدێ ئەندامێ کۆمیتەیا هەرێمی یا پارتیا یەکیتییا کوردستان-سووریا ناسر ژارۆ ژ باژارێ عاموودێ ل رۆژئاڤا کوردستانێ رەڤاند و بەر ب جھەکی نەدیار ڤە بر و چارەنڤیسا وی هەیا نها نەدیارە.

د 31ێ ئادارا 2024 دە، چەکدارێن پەیەدێ دەست ب ھەلمەتەکا گرتنێن کەیفی و ھۆڤانە ل دژی ھەژمارەک رۆژنامەڤان و ئەندامێن ئەنجوومەنا نشتمانییا کوردی و پارتیا دەمۆکراتا کوردستان-سووریا ل باژارۆکێ گرکێ لەکی و باژارێ دێرکێ ل رۆژئاڤا کوردستانێ کرن. و هەیا نها ژی چارەنڤیسا کەسێن هاتیە رەڤاندن نەدیارە.

ناڤێن کەسێن ژ ئالیێ چەکدارێن پەیەدێ ڤە هاتینە رەڤاندن ب ڤی ئاوانە:

1- راکان ئەحمەد ئەندامێ ئەنجوومەنا هەرێمی یا په‌ده‌كه‌سێ ل دێركێ، د 31ێ ئادارا 2024 دە ل باژارێ گرکێ لەکێ ھاتە رەڤاندن و چارەنڤیسا وی ھەتا نھا نە دیارە.

2- مەروان حسێن چالاکڤان و ئەندامێ ئه‌نجومه‌نا خوەجهی یا ئەنه‌که‌سێ ل گرکێ لەگێ، د 1ێ نیسانا 2024 دە ل باژارۆکێ گرکێ لەکی ھاتە رەڤاندن، و ھەتا نھا چارەنڤیسا وی د زندانێن پەیەدێ دە نە دیارە.

3- ئەحمەد سۆفی رۆژنامەڤان و ئەندامێ ئەنجوومەنا هەرێمی یا په‌ده‌كه‌سێ، د 2/4/2024 دە ل باژارێ دێرکێ ھاتە رەڤاندن و ھەیا نھا چارەنڤیسا وی نە دیارە.

4- حەسام عەبدوللا دۆرسن ئەندامێ کۆمیتا ھەرێمی یا پارتیا گەل یا دەمۆکراتی کوردستانی و ئەندامێ ئەنجوومەنا نشتمانییا کورد ل سووریێ، د 1ێ نیسانا 2024 دە ل باژارێ دێرکێ ھات رەڤاندن، و ھەتا نھا چارەنڤیسا وی نە دیارە.