چەتەیێن ب ناڤێ “جوانێن شۆرەشگەر” کو راستەراست بریاران ژ قەندیلێ وەردگرن د رەڤاندنا زارۆکێن بچووک دە بەردەوامە، ھەری داوی زارۆکەکا 16 سالی ژ باژارێ حەلەبێ رەڤاند.
ل گۆر ئاگاهیان چەتەیێن پەکەکێ “جوانێن شۆرەشگەر” کەچا ب ناڤێ ئەربیل زوھێر شێخۆ یا تەمەن 16 سالی دەما ژ دبستانا خوە دھاتە مالێ ل تاخا ئەشرەفیێ، رەڤاندیە.
هەر وەها هات زانین، ھەموو داخوازی و هەولدانێن مالباتا ڤێ کەچێ ژ بۆ ڤەگەراندنا کەچا خوە ب رێیا ناڤەندێن سەر ب پەیەدێ ڤە تێک چوون.
“اربیل” ژ ناڤچەیا شیێ یا ھەرێما عەفرینێ ل کوردستانا سووریێ یە، و لگەل مالباتا خوە ل تاخا ئەشرەفیێ ل باژارێ حەلەبێ، ل باکورێ سووریێ، دژی.
تێ زانین فەرماندارێ ھێزێن سووریا دەمۆکراتیک مەزلووم کۆبانێ د سالا 2019 دە لگەل ڤێرجینیا گامبا نوونەرا نەتەوێن یەکگرتی بۆ کارووبارێن زارۆکان، ل سەر پەیمانەکێ ئیمزە کربوو، کو ئێدی زارۆکان تەڤلی ھێزێن خوە نەکە و زارۆکێن د ناڤ دە سەربەست بەردە، لێ تا نھا چ پابەندی ب وێ پەیمانێ نەھاتیە کرن، ھەر دەم چەکدارێن ب ناڤ و رەنگێن جودا د ناڤا هەسەدێ دە زارۆکان درەڤینن و تەڤلی لەشکەریا نەچاری دکن.
