بالیۆزخانەیا فرانسا یا ل ئیراقێ پشتەڤانیا خوە بۆ حکوومەتا ئیراقێ و ھەرێما کوردستانێ یا دەربارێ ئێریشا ل سەر قادا گازا کۆرمۆرێ نیشان دا.
د داخویانیێ دە بالیۆزخانەیا فرانسایێ دە ھات دیارکرن: “فرانسا ب توندی ئێریشا دوھ ئێڤارێ یا ل کوردستانێ دژی قادا گازێ یا کۆرمۆرێ شەرمەزار دکە.”
ھەروھا رادگەھینە: “فرانسا سەرخوەشیێ ئاراستەیێ مالباتێن قوربانیێن ئێریشێ دکە و ھێڤیا باشبوونێ ژ برینداران رە دخوازە.”
بالیۆزخانا فرانسایێ ھەروھا راگەھاند: “فرانسا ھەڤخەمیا خوە ب رایەدارێن حکوومەتا ھەرێما کوردستانێ رە نیشان ددە و رێزێ ل ھەموو ژێرخانەیا ئەنەرژیێ د بەرژەوەندیا تەڤاھیا گەلێ ئیراقێ دە دگرە.”
د داخویانیێ دە ھات گۆتن، “فرانسا پشتگریا خوە یا ژ بۆ ئارامی، سەرخوەبوون و سەروەریا ئیراقێ ژ بۆ حکوومەتا ھەرێما کوردستانێ و ئیراقێ دوبارە دکە.”
