مەسروور بارزانی: ئەم پابەندبوونا حكوومه‌تێ بۆ باشترکرنا ژیانا کارکەران تەکەز دکن

سەرۆکوەزیرێ هەرێما کوردستانێ مەسروور بارزانی ئیرۆ 1ێ گولانێ، ب بۆنەیا رۆژا کەدکاران یا جیهانی پەیامەک بەلاڤ کر.

سەرۆکوەزیر مەسروور بارزانی د پەیاما خوە دە راگهاند، «ب بۆنەیا رۆژا کەدکاران یا جیهانی پیرۆزباهیێ ل هەموو کارکەرێن کوردستانێ، ئیراقێ و جیهانێ دکم. ئەز ئەرک، خەبات و رۆلا دیارا کارکەرێن کوردستانێ د ئاڤادانکرن و گەشکرنا ئابۆریا کوردستانێ دە بلند دنرخینم».

مەسروور بارزانی هەروها گۆت: «د ڤێ بۆنەیێ دە، پابەندبوونا حكوومه‌تا هەرێما کوردستانێ ژ بۆ باشترکرنا ژیانا کارکەران و پاراستنا مافێن وان د وارێ تەندروستی و ئەولەکاریا کار و دابینکرنا مافێن وان یێن یاسایی دە تەکەز دکن».

د داویێ دە سەرۆکوەزیرێ حكوومه‌تا هەرێما کوردستانێ رۆژا جیهانی یا کەدکەران پیرۆز کر و هێڤیا ژیانەکە خوەش و باشتر ژ وان رە خواست.