وه‌زاره‌تا به‌رگریێ یا تركیێ راگهاند، ب ئێریشێن ئاسمانی 32 چه‌كدارێن په‌كه‌كێ ل هه‌رێمێن حه‌فته‌نین، چیایێن گاره و خواكوركێ هاتنه كوشتن.
ئاژانسا ئه‌نادۆل یا ده‌وله‌تا ترك دوهـ رۆژا ئینی 3/5/2024ێ به‌لاڤ كر، لڤ و ته‌ڤگه‌رێن په‌كه‌كێ ل هه‌رێمێن حه‌فته‌نین، گاره و خواكوركێ ب ئێریشێن ئاسمانی هاتن ئارمانج گرتن و د ئه‌نجامێ ده 32 چه‌كدارێن رێخستنێ كه‌تنه به‌ر ئێریشان.
وه‌زاره‌تا به‌رگریێ یا تركیێ د داخویانیا راگهاندنا زرارێن په‌كه‌كێ یێن ڤان ئێریشان ده ته‌نێ گۆت كو ئه‌ڤ ئێریش د چارچووڤه‌یا ئۆپه‌راسیۆنا «په‌نجه – كلیدێ» هاتنه ئه‌نجام دایین و ئاشكه‌ره نه‌كر كا ل چ ده‌مه‌كێ ئه‌ڤ ئێریش پێكهاتنه.
رێخستنا په‌كه‌كێ ت داخویانی ده‌ربارێ ڤێ وه‌نداهییا خوه نه‌دانه.
