ل چارگۆشەیا ئەولەھیێ یا باژارێ حەسەکێ ژ بەر تەقینا ئۆتۆمۆبیلەکێ، سەرکردەیەکی حزبولاھا لبنانی بریندار بوو.
ل گۆری چالاکڤانیێن حەسەکێ، ل چارگۆشەیا ئەولەھیێ یا ل باژارێ حەسەکێ کو د بن کۆنترۆلا ھێزێن رێژێما سووریەیێ دەیە، ئۆتۆمۆبیلا سەرکردەیێ حزبولاھا لبنانی ئەیاد ئەل-سالح (ئەبوو حەیدەر) تەقییایە.
ھات دیارکرن کو د ئەنجاما تەقینێ دە خوەدیێ ئۆتۆمۆبیلێ یێ ب ناڤێ ئەیاد ئەل-سالح بریندار بوو و ژ بۆ نەخوەشخانەیا لۆلۆیا ل چارگۆشەیا ئەولەھیێ ھاتە ڤەگوھاستن.
ھات راگھاندن، بۆمبەیەک د بنێ ئۆتۆمۆبیلێ دە ھاتبوو چاندن. ھێزێن سەر ب رێژیمێ ڤە ژی جھێ بوویەرێ دۆرپێچ کرن.
ل ناڤەندا باژارێ حەسەکێ و قامشلۆ ژی، تاخێن د بن کۆنترۆلا ھێزێن رێژیما سووریەیێ دە نە و ژێ رە “چارکۆشەیا ئەولەھیێ” تێ گۆتن، ژ بەر کو شاخێن ئەولەھیێ و ئاڤاھیێن حکوومەتێ و بارەگەھێن ھێزێن سەر ب رێژیما سووریەیێ ڤە د ناڤ دە ھەنە.
