قایمەقامێ ھەولێرێ دا زانین، ل بازارا قەیسەریێ یا ھەولێرێ زێدەتر ژ 370 دوکانان ب تەمامی شەوتینە.
قایمەقامێ ھەولێرێ نەبەز عەبدولحەمید راگھاند، شەڤا بۆری ئاگر ب بازارا قەیسەریێ کەت، راستەراست تیمێن خزمەتگوزاریێ، ھێزێن ئەولەھیێ، بەرەڤانیا شارستانی و زەرەڤانی، تیمێن تەندورستیێ کارین ئاگر کۆنترۆل بکن.
دا زانین ژی: “نێزیکی 4 ھەزار دوکان ل بازارا قەیسەریێ ھەنە، لێ مخابن ل گۆری ئامارێن دەستپێکێ زێدەتری 370 دوکانان ب تەمامی شەوتینە.
نەبەز عەبدولحەمید ئاماژە ب وێ یەکێ کر، “ئاگر شەڤا بۆری ھات کۆنترۆلکرن، لێ ل پرانیا دوکانان ھین دووکەل مایە.”
گۆت ژی: “کۆمیتەیا لێکۆلینێ یا کو دوھ ب شەڤ ھاتە ئاڤاکرن، دەملدەست دەست ب خەباتێن خوە کر. کۆمیتەیەک تایبەت ژی لێکۆلینێ ل سەر سەدەما دەرکەتنا ئاگر دکە، پشترە ئەمێ ئەنجامان ئاشکەرە بکن.”
