هه‌ر رۆژ تاوانه‌كا په‌كه‌كێ ئاشكه‌را دبیت

ناسنامه‌یا دو جوانێن دن یێن كورد ئاشكه‌را بوو كو په‌كه‌كێ ئه‌و وه‌كه‌ ب هه‌زاران جوانێن دن یێن كورد داینه‌ كوشتن و ب سالانه‌ مرنا وان ڤه‌شارتی هشتی یه‌.

هه‌په‌گێ باسكێ له‌شكه‌ری یێ په‌كه‌كێ دوهـ رۆژا یه‌كشه‌می 5/5/2024ێ ناسنامه‌یا 2 چه‌كدارێن خوه‌ ئاشكه‌ره‌ كر كو ل 10 و 30 هه‌زیرانا 2022ێ ل ناڤ خاكا باشوورێ كوردستانێ، د شه‌رێ خوه‌ یێ بێ ئه‌نجام ده‌ ب ده‌ستێ ئارتێشا ده‌وله‌تا ترك یا داگیركه‌ر دانه‌ كوشتن و ژ نوو ڤه‌ مرنا وان ئیفشا كر.

ناڤێن  وان وسایه‌:

موسلم ئه‌مین ژ شرنه‌خێ.

ماهسووم حاجی ژ مێرسینێ.

هه‌په‌گێ د په‌سنێ ڤان چه‌كدارێن خوه‌ ده‌ دبێژه‌ ئه‌و فه‌دایێ ئاپۆ بوون!.

ژ ده‌ستپێكا سالا 2024ێ ڤه‌، په‌كه‌كه‌ وه‌كه‌ سالێن به‌رێ هه‌ر رۆژ وێنه‌یێن كۆمێن جوانێن كوردان پارڤه‌دكه‌، جوانێن كو د به‌رخوه‌دانا خوه‌ یا ساخته‌ ده‌ به‌رێ وان دایه‌ مرنێ و مرنا وان ڤه‌شارتی هشتی.