چه‌ته‌یێن په‌كه‌كێ یێن ب ناڤێ «جوانێن شۆره‌شگه‌ر» کەچەکە كورد یا 13 سالی ب ناڤێ «نورا عومه‌ر» ل رۆژئاڤا كوردستانێ ره‌ڤاندن و بۆ جیهه‌كێ نه‌دیار هات برن.
چه‌ته‌یێن جوانێن شۆره‌شگه‌ر رێخستنه‌كه سه‌ر ب په‌كه‌كێ ڤه یه، كارێ وێ ره‌ڤاندنا زارۆكێن كوردانه ل رۆژئاڤا كوردستانێ و ب ته‌علیماتێن تایبه‌ت یێن شه‌خسێ جه‌میل باییك و ل ژێر سه‌رپه‌رشتییا مه‌زلووم عه‌بدی و رێڤه‌به‌رییا خوه‌سه‌ر ته‌ڤ دگه‌ره.
هات راگهاندن چه‌ته‌یێن جوانێن شۆره‌شگه‌ر دوهـ رۆژا دوشه‌می 6\5\2024ێ كه‌چه‌كا 13 سالی ب ناڤێ «نورا عومه‌ر میقداد» ره‌ڤاندنه و چاره‌نووسا وێ هێژان نه‌دیاره.
ل گۆری ئاگاهیێن داركا مازی، چه‌ته‌یێن په‌كه‌كێ كه‌چا زارۆك «نورا» ل ناڤه‌ندا باژارێ تلرفعه‌تێ ل سه‌ر رییا دبستانێ ره‌ڤاندنه.
ل رۆژئاڤایێ کوردستانێ تەڤی کو رێڤه‌به‌رییا خوه‌سه‌ر و هه‌سه‌دێ سۆز دایە نەتەوەیێن یەکبوویی و رێخستنێن ناڤدەولەتی کو زارۆکان چەکدار نەکە، لێ بەلێ باسکێن لەشکەری و جوانێن شۆرەشگەر یێن گرێدایی پەکەکێ، ھین ژی زارۆکێن تەمەن بچووک تەڤلی لەشکەرکرنا ب زۆر دکن و وان دبن کامپێن لەشکەرکرنێ یێن ل ھەرێمێن د بن کۆنترۆلا خوە دە.
