سەرۆکێ ھەرێما کوردستانێ و فەرماندەیێ گشتی یێ ئارتێشا پاسداران دجڤن و ھەر دو ئالی تەکەزێ ل سەر گرنگیا زێدەتر موکۆمکرنا ئالیکاری و ھەڤاھەنگیا ئالیێن پەیوەندیدار یێن کۆمارا ئیسلامییا ئیرانێ لگەل ئیراق و ھەرێما کوردستانێ دکن.
ل دوو راگەھاندنا سەرۆکاتیا ھەرێما کوردستانێ، سەرۆکێ ھەرێما کوردستانێ نێچیرڤان بارزانی ئیرۆ (سێشەم، 7/4/2024) لگەل فەرماندەیێ گشتی یێ ئارتێشا پاسدارێن کۆمارا ئیسلامییا ئیرانێ جەنەرال حسێن سەلامی جڤیا.
د وێ جڤینێ دە، ھەر دو ئالیان دانوستاندن ل سەر پەیوەندیێن ئیرانێ لگەل ئیراق و ھەرێما کوردستانێ ب تایبەتی د وارێ ئەولەھیێ دە کرن، ھەروەسا ھەر دو ئالیان گرنگیا زێدەتر موکۆمکرنا ئالیکاری و ھەڤاھەنگیا ئالیێن پەیوەندیدار یێن کۆمارا ئیسلامییا ئیرانێ لگەل ئیراق و ھەرێما کوردستانێ ژ بۆ پاراستنا ئەولەھی و ئارامیا سنۆران و بەرھنگاربوونا گەفێن ئەولەھیێ ژ ھەر ئالیەکی ڤە تەکەز کر.
د تەوەرەکی دن یێ وێ جڤینێ دە، ھەر دو ئالیان دانوستاندن ل سەر باندۆر و ئەنجامێن شەری ل رۆژھلاتا ناڤین ل سەر رەوشا دەڤەرێ کرن. ھەروەسا ھەر دو ئالی ھەڤنەرین بوون کو دڤێت ھەمی ئالی پێخەمەتی پاراستنا سەقامگریێ کار بکن و رێ نەیێ دان کو ئالۆزی زێدەتر بەرفرەھ ببن.
ئالیکاری و ھەڤاھەنگیا ئەولەھی و سەربازییا ھەولێر و بەغدایێ، بەرھنگاربوونا گەف و مەترسیێن تەرۆرێ و چەند پرسێن ژ بۆ ھەر دو ئالیان گرنگ ئالیەکی دنێ وێ جڤینێ بوون.
