ئێریشەکە چەکداری ل سەر نڤیسینگەها دەم پارتیێ ل باژارێ رهایێ یێ باکورێ کوردستانێ هات کرن، زرارێن جانی نینن.
سەرێ سبەها ئیرۆ چارشەمێ، 08\05\2024 ل قەزایا بێرەجووکێ یا پارێزگەها رهایێ یا باکورێ کوردستانێ ئێریشەکە چەکداری ل سەر نڤیسینگەها دەم پارتیێ هات کرن.
وەکی کو مەدیایێن ترکیەیێ پارڤە کریە، د وێ ئێریشا چەکداری دە 14 گولە ئاراستەیی ئاڤاهیێ وێ نڤیسینگەهێ هاتنە کرن لێ چ زرارێن جانی ژێ چێ نەبوونە و تەنێ جامێن وێ نڤیسینگەهێ هاتنە شکاندن.
ل دووڤ هه‌مان چاڤکانیێ، تیمێن پۆلیسان و هێزێن ئەولەهیێ یێن پارێزگەها رهایێ ل سەر وێ روودانێ دەست ب ڤەکۆلینان کریە و ل سەر بزاڤێن خوە ژ بۆ گرتنا بکەرێن وێ ئێریشێ بەردەوامن.
سەرێ سبەها رۆژا یەکشەمێ هلبژارتنێن شارەداریان ل باکورێ کوردستانێ و ترکیەیێ هاتن کرن، دەم پارتیێ 72 شارەداری و سێ شارەداریێن مەزن مەزن ل باکورێ کوردستانێ ب دەست خستن.
