رێخستنا ئامەریکی CPTێ راگهاند کو ژ سالا 1990ی ڤە ژ بەر بۆمبەبارانێن ترکیە و ئیرانێ یێن ل هەرێما کوردستانێ هەری کێم 850 کەس شەهید کەتنە.
تیمێن ئاشتیێ یێن جڤاکی (CPT) ب هه‌ماهه‌نگی ل گه‌ل ده‌سته‌یا مافێن مرۆڤ یا هه‌رێما كوردستانێ، هەژمارا کەسێن کو د ئێرشێن ترکیە و ئیرانێ دە ل هه‌رێما كوردستانێ هاتنە کوشتن پارڤە کرن و راگهاند، ژ سالا 1990ی ڤە ژ بەر بۆمبەبارانێن ترکیە و ئیرانێ یێن ل هەرێما کوردستانێ هەری کێم 850 کەس شەهید کەتنە.
رێخستنێ دیار كر، ئه‌و دێ وان ئاماران بدن بەغدایێ دا کو خزمێن وان قه‌ره‌بوویێ وەرگرن و گۆت كو ئه‌و ژ بۆی ڤێ ل گه‌ل به‌غدایێ د پیوه‌ندییان ده نه.
هات راگهاندن کەسێن کو هاتنە کوشتن شەهید تێن حه‌ساب كرن و بریندار ژی وەکی بریندارێ نشتمانی تێن قەبوولکرن، بەغدایێ سۆزا قه‌ره‌بوویێ دایە لێ ژ بۆ بەلگەیێن پێویست بێن ئامادەکرن پێویستی ب دەمێ هەیە.
ده‌وله‌تا ترك ب سه‌ده‌ما هه‌بوونا چه‌كدارێن په‌كه‌كێ ده‌وام ئێریشی باشوورێ كوردستانێ دكه و ژ به‌ر ئێریشان ته‌ڤی زرارێن جانی، 680 گوند هاتنه ڤالا كرن و بوونه ناڤچه‌یێن قه‌ده‌غه كری، رێخستنا په‌كه‌كێ ژی هه‌ر كو دچه شه‌رێ خوه یێ ساخته ل دژی ده‌وله‌تا ترك كێشی كووراهییا هه‌رێمێ دكه و شه‌رێ كو ده‌مه‌كێ ل سینۆران دهات دیتن، نها ل دۆربه‌را گوند و باژارۆكان تێ كرن.
