پشتی کو دوھ سەرێ سبەھێ ئێریشا چەکداری ل دژی ئاڤاھیا دەم پارتیێ یا ل ناڤچەیا بێرەجووکێ یا رحایا باکورێ کوردستانێ ھاتبوو کرن و د چارچۆڤەیا ڤێ ئێریشێ دە لێپرسین ھاتبوو ڤەکرن، شەڤا دن جار دن ئێریش دوبارە بوو. ھات راگھاندن کو ئەڤ جار ئێریش نە چەکداری بوویە لێ خسارێن مادی چێبوونە.
د ئاگاھیێن کو ھاتن راگھاندن دە ھات دیارکرن کو شەڤا بۆری ئێریشا ل دژی ئاڤاھیا پارتیا گەلان یا دەمۆکراتیک (دەم پارتی)یا ل بێرەجووکا رحایێ دوبارە بوویە.
ژ بەر کو بەری دو رۆژان ھەمان ئاڤاھی راستی ئێریشا چەکداری ھاتبوو، ھین لێپرسین و بنچاڤکرنێن د ڤێ بوویەرێ دە بەردەوام دکرن، لێ ھات زانین کو ئێریشەکا دن یا ب کەڤران و ئالاڤێن کو زرارێ بدن جامان چێبوویە.
ھات زانین کو ھەتا نھا د دەربارێ ناسنامەیا ئێریشکاران دە ئاگاھی نەھاتنە تۆمارکرن.
ھەر وھا ژ بەر ئێریشا یەکەما چەکداری یا ل دژی ئاڤاھیا دەم پارتیێ، برایێ ھەڤسەرۆکێ شارەداراریا بێرەجووکێ یێ ب ناڤێ خلیل بەگیت ھاتبوو بنچاڤکرن و ل گۆری ئاگاھیێن داوی ھین ژی بنچاڤکرنا وی بەردەوام دکە.
