وەزارەتا پاراستنا نەتەوەیی یا تركیێ راگهاند کو د هەفتەیا داوین دا 108 چه‌كدارێن په‌كه‌كێ/یه‌په‌گێ هاتنه كوشتن، په‌كه‌كه ژی دبێژه: د مه‌ها داوین ده مه 12 له‌شكه‌رێن ترك جه‌زا كرنه.
وه‌زارتا پاراستنا نه‌ته‌وی یا تركیێ ئیرۆ رۆژا پێنجشه‌می 9 گولانا 2024ێ ئامارێن هه‌فته‌یا داوین یا وه‌نداهیێن په‌كه‌كێ راگهاندن و ل گۆری وێ 108 چه‌كدارێن په‌كه‌كێ/یه‌په‌گێ ل باشوور و رۆژئاڤا كوردستانێ هاتنه كوشتن.
ده‌ستنیشان كر، 67 چه‌كدار ل باشوورێ كوردستانێ و 41 ژی ل رۆژئاڤا كوردستانێ هاتنه كوشتن.
ل گۆری وه‌زاره‌تا پاراستنا نه‌ته‌وی، ژ ده‌ستپێكا ئیسال 2024ێ ڤه، 443 چه‌كدارێن په‌كه‌كێ ل باشوورێ كوردستانێ و 510 ژی ل رۆژئاڤا كوردستانێ هاتنه كوشتن.
رێخستنا په‌كه‌كێ ژی ئامارا مه‌ها رابووری ئیلان كر و ل گۆری وێ، 12 له‌شكه‌رێن ترك ژ هێلا چه‌كدارێن وێ ڤه هاتنه كوشتن.
ئارتێشا تركیێ و رێخستنا په‌كه‌كێ ده‌وام بیلانچۆیێن شه‌ر رادگهینن و هه‌ر یێك دبێژه مه ئه‌وقاس كوشتنه، لێبه‌لێ هه‌ردو ئالی راست نابێژن و ڤێ وه‌كه شه‌ره‌كی تایبه‌ت ل دژی هه‌ڤ د مه‌شینن و یێ كو زرارا راستین یا ڤی شه‌رێ بێ واته دده، گه‌لێ باشوورێ كوردستانێ یه.
