ل 10 پارێزگەهێن ترکیە و باکورێ کوردستانێ 72 کەس ب سه‌ده‌ما «ئەندامتی، ئالیکاری و پرۆپاگاندەیا په‌كه‌كێ» هاتن دەستەسەرکرن.
وەزیرێ کارێن ناڤخوەیێ ترکیەیێ عه‌لی یەرلیکایا ل سەر حه‌سابا خوەیێ Xێ نڤیسی:
«ل 10 باژاران 72 کەس هاتن دەستەسەرکرن کو وان د ناڤ رێخستنێ دە کار کریە، د نەورۆز و جڤینان دە پرۆپاگاندەیا رێخستنێ کریە، بەشداری ببیرانین و شینا ئەندامێن رێخستنێ بوونە و سلۆگان بلند کرنە، ئالیکاریا دارایی دایە گرتیێن سەر ب رێخستنێ ڤە و بریارا وان یا دەستەسەرکرنێ و جەزایێن وان هەبوونە».
ل هێلا دن ئەو کەس ل باژارێن ئامەد، رها، مێردین، خارپێت، سەمسوور و جۆلەمێرگێ یێن باکورێ کوردستانێ و ل باژارێن ستەنبۆل، بالکەسیر، ئانتالیا و ئەسکیشەهیرێ یێن ترکیەیێ هاتنە گرتن.
ل ترکیە و باکورێ کوردستانێ، هێزێن ئەولەهیێ رۆژانە ب سەر مالان دە دگرن و ب «سه‌ده‌ما په‌كه‌كێ» خەلکێ سڤیل، چالاکڤان، رۆژنامەگەر و سیاسەتمەدارێن کورد دەستەسەر دکن.
