ل باژارێ سەردەشتێ یێ رۆژهلاتێ کوردستانێ کۆلبەرەکی دن ژ ئالیێ هێزێن ئەولەهیێ یێن ئیرانێ ڤە هات کوشتن.
رێخستنا مافێ مرۆڤان یا هەنگاوێ د راپۆرەکێ دە راگهاند کو سپایێ پاسداران یێ ئیرانێ رۆژا پێنجشەمێ ل سەر سینۆرێ سەردەشتێ و هەرێما کوردستانێ ب دۆشكێ کاروانەکی کۆلبەران گولەباران کرنە.
هەنگاوێ ئاماژە ب وێ یەکێ ژی کر کو ئەو کۆلبەرێن هاتنە گولەبارانکرن ل ئالیێ هەرێما کوردستانێ بوونە.
ل گۆری راپۆرا هەنگاوێ کۆلبەرێ ب ناڤێ سالار ئه‌حمەدی یێ 33 سالی ب گولەیێن دۆشكێ هاتیە کوشتن.
هەنگاوێ ئەشکەرە ژی کر کو سالار ئەحمەدی ژ گوندێ نەلاسێ یێ ناحیەیا سەردەشتێ یە.
ل گۆری زانیاریان هەتا نها ژی جەنازەیێ سالار ئەحمەدی ژ بۆ سەردەشتێ نەهاتیە ڤەگوهاستن.
ل گۆری رێخستنێن مافێن مرۆڤان بێن رۆژهلاتێ کوردستانێ ژ 1ێ گولانێ ڤە ل باژارێن بانە، سەقز و سەردەشتێ 5 کۆلبەر ژ ئالیێ هێزێن ئەولەهیێ یێن ئیرانێ ڤە هاتنە کوشتن.
