سەرۆک مەسعوود بارزانی ئیرۆ 11 گولانێ، ب بۆنەیا 31 سالیا دامەزراندنا بنگەها لالەشێ، پەیامەکە پیرۆزباهیێ بەلاڤ کر و راگهاند، «بنگەها لالەشێ د ڤان سالێن داوی دە دگەل هەموو بەربەست و ئاستەنگیان، ب هەولا خەمخور، کادرۆ و رەوشەنبیرێن جڤاکا ئێزدیان، خزمەتەکە بەرچاڤ پێشکێشی چاندا گەلێ کوردستانێ و پاراستنا کەڤنەشۆپیێن جڤاکا ئێزدی کریە».
سەرۆک بارزانی پەیاما خوە یا پیرۆزباهیێ ئاراستەیی سەرۆک و ئەندامێن دەستەیا بلندا بنگەها لالەشێ و تێ دە راگهاند، «ب هلکەفتا 31 سالیا دامەزراندنا بنگەها لالەشێ، پیرۆزباهیێن خوە ئاراستەیی وە، ئەندام و کادرۆیێن بنگەها لالەشێ و هەموو خوشک و برایێن ئێزدی دکم».
سەرۆک بارزانی دیار کر، «بنگەها لالەشێ د ڤان سالێن داوی دە دگەل هەموو بەربەست و ئاستەنگیان، ب هەولا خەمخور، کادرۆ و رەوشەنبیرێن جڤاکا ئێزدیان، خزمەتەکە بەرچاڤ پێشکێشی چاندا گەلێ کوردستانێ و پاراستنا کەڤنەشۆپیێن جڤاکا ئێزدی کریە».
هەروها سەرۆک بارزانی گۆت: «پشتەڤانیێ ل هەول و وەستانا بنگەها لالەشێ دکم و هێڤیا بەردەوامیا پێشکەتن، ئارامی و خوەشیێ ژ بۆ هەموو خوشک و برایێن ئێزدی دکم و هەر سەرکەفتی بن».
بنگەها لالەشا چاندی و جڤاکی، 12ێ گولانا 1993ان ل پارێزگەها دهۆکێ د بن دروشما «لالەش کانیەکە زەلالە و درژە رووبارا رەوشەنبیریا کوردی» کۆنگرەیا خوە یا یەکەم لدار خستبوو.
