ناسنامه‌یا 3 چه‌كدارێن په‌كه‌كێ ئاشكه‌ره بوو كو ل سالا 2022ێ ل چیایێ مه‌تینایێ كه‌تبوون به‌ر ئێریشێن ده‌وله‌تا ترك و په‌كه‌كێ ژ نوو ئیرۆ مرنا وان ئیلان كر.
هه‌په‌گێ باسكێ له‌شكه‌ری یێ په‌كه‌كێ دوهـ رۆژا ئینی 10/5/2024ێ ناسنامه‌یا 3 چه‌كدارێن خوه ئاشكه‌ره كر كو ئه‌ڤ نێزی دو سالانه مرنا وان ڤه‌شارتی هشتی یه، ئه‌و چه‌كدار ل 30 ئیلۆنا 2022ێ ل چیایێ مه‌تینانیێ كه‌تبوون به‌ر ئێریشێن ده‌وله‌تا ترك.
په‌كه‌كه وه‌كه هه‌موو جوانێن كوردان یێن كو د به‌رخوه‌دانا خوه یا ساخته دا به‌رێ وان دایه مرنێ، د په‌سنێ ڤان سێ چه‌كداران ده ژی دبێژه: ملیتانێن ئاپۆیی فه‌دایێ ئاپۆ بوون.
ئارتێشا ده‌وله‌تا ترك ژده‌ستپێكا مه‌ها گولانێ ڤه ب ئێریشێن ئاسمانی ده‌ربێن گران ل په‌كه‌كێ دا نه و هه‌ر كێم كوشتنا 30 چه‌كدارێن رێخستنێ راگهاندیه و په‌كه‌كه ده‌ربارێ وان ت ئاگاهی و داخویانیان نا ده.
