رێڤەبەریا ئاساییشا دھۆکێ راگھاند، 3 کەس ب تۆمەتا بازرگانیا مادەیێن ھشبەر ھاتن دەستەسەرکرن.
رێڤەبەریا ئاساییشا پارێزگەھا دھۆکێ ئیرۆ 11 گولانێ د داخویانیەکێ دە راگەھاند، تیمێن ئاساییشێ 3 کەس دەستەسەر کرن کو مادەیێن ھشبەر ژ جورەیا کریستال و هێرۆین ب وان رە بوون.
ل گۆری داخویانیێ، ئەو 3 تۆمەتبار ب نیاز بوون مادەیێن ھشبەر بەلاڤ بکن. ھەروھا ئەو تۆمەتبار دێ ل گۆری خالا 26 یا یاسایا مادەیێن ھشبەر هێن دارزاندن.
ل گۆری ئاماران، %80 بکارھێنەرێن مادەیێن ھشبر ل ھەرێما کوردستانێ تەمەنێن وان د ناڤبەرا 18 بۆ 35 سالیێ دە نە، %10 ژ بکارھێنەرێن مادەیێن ھشبەر ژنن و %4 ژی تەمەنێ وان د بن 18 سالیێ دە نە.
ل گۆر مادەیا 26 یا یاسایا نەھشتنا مادەیێن ھشبەر یا پارلامەنتۆیا کوردستانێ، کەسێن کو بازرگانیا مادەیێن ھشبەر دکن، ب سزایێ زندانێ تێن سزادان کو دگھە سزایێ ھەتاھەتایی. ھەروھا سزایێ ژ 15 ملیۆن دیناران و ھەتا 90 ملیۆن دیناراێن ئیراقی.
بکارھێنەرێن مادەیێن ھشبەر ژی ب سزایێ گرتیگەھێ ژ یەک سال ھەتا سیھ سالان و سزایێ پەرەیان ھەتا 15 ملیۆن دینارێن ئیراقی تێ سزادان.
