سەرۆک مەسعوود بارزانی ب بۆنەیا 50 سالیا بدارڤەکرنا لەیلا قاسم و ھەڤالێن وێ پەیامەک بەلاڤ کر و تێ دە راگھاندن، “لەیلا قاسم میناکەکا بلند یا ژنا کوردە کو شەھیدبوونا خوە وەکە شانازیەکێ قەبوول کر.”
سەرۆک بارزانی د پەیاما خوە دە گۆت: “لەیلا قاسم میناکەکا بلند یا ژنا کوردە کو دیرۆک ژ بۆ خوە و گەلێ خوە دروست کر. وێ شەھیدبوونا خوە وەک شانازیەکێ قەبوول کر، لێ سەرێ خوە ل بەر جەلاد و دژمنان خوار نەکر.”
د پەیامێ دە ھات: “لەیلا قاسم و ھەڤالێن وێ ژ بۆ مە ھەموویان وانەنە کو دلسۆزیا ب وەلات، باوەری و مرنا سەربلندی، ژ ژیانا کۆلەتیێ ب بھاترە.”
سەرۆک بارزانی گۆت ژی: “ب ھەلکەفتا سالڤەگەرا 50 یا بدارڤەکرن و شەھیدکرنا لەیلا قاسم، نەریمان فوئاد مەستی، حەسەن ھەما رەشید، ئازاد سلێمان میران و جەواد ھەمەوەندی، سلاڤ ل گیانێ وان و ھەموو شەھیدێن رێیا ئازادیێ.”
