ئەڤە چەند رۆژن و کارەبا ل سەر باژارێ دربێسیێ یێ رۆژئاڤایێ کوردستانێ ھاتیە برین و خەلک ژ بەر ڤێ رەوشێ دنالن.
ل گۆر ئاگاهیان ئەڤە زێدەتری سێ رۆژانە، و خەلکێ باژارێ دربێسیێ د تاریێ دە دژین ب سەدەما برینا بەهرا گازواییالا تایبەت ب خوەدانێن مووەلیدەیان ژ ئالیێ رێڤەبەریا پەیەدێ ڤە.
ژێدەرێ سەربار کر ژی کو رێڤەبەریا پەیەدێ نرخێ یەک ئەمپێری ژ 12 بۆ 14 ھەزار لیرەیێن سووری ل دربێسیێ بلند کر، ھەروەھا دەمژمێرێن دابینکرنا کارەبایێ ژی ژ 8 دەمژمێران داخست 6 دەمژمێران.
ئەڤە چەند سالن کریزا سووتەمەنیێ و برینا کارەبایێ ل باژار و باژارۆکێن کوردی ل رۆژئاڤایێ کوردستانێ بەردەوامن، ب سەدەما ڤێ رەوشا خراب خەلک دنالن و د رەوشەکا پر خراب دە دژێن.
