بەرپرسەکی پەکەکێ یێ پایەبلند د ئۆپەراسیۆنەکا میتێ دە ھات کوشتن
سازیا ئیستخباراتا میلی یا ترکیێ (میت)ێ راگەھاند، د ئۆپەراسیۆنەکا ل چیایێ گارە یێ ل ھەرێما کوردستانێ دە بەرپرسێ پەکەکێ و ئەندامێ رێڤەبەریا کۆنسەیا ھێزێن پاراستنا گەل یێ ب ناڤێ سەدات ئاکسو کو وەک شەڤگەر چیا تێ ناسکرن ژیانا خوە ژ دەست دایە.
ل گۆر ئاژانسا ئانادۆلویا کو زمانحالا فەرمیی یا دەولەتا ترکیێ یە و ژ چاڤکانیێن ئەولەھیێ ڤەگوھەستیە، میتێ دەستنیشانکریە کو شەڤگەر چیا ل رۆژئاڤایێ کوردستانێ و ھەرێما کوردستانێ گەلەک چالاکیێن ل ھەمبەر ئارتێشا ترکیێ و ھێزێن ئەولەھیا ترکیێ پێکھاتنە دە فەرمان ژ ئالیێ وی ڤە ھاتیە دایین.
ھات راگەھاندن سەدات ئاکسو ژ بۆ چەکدارێن پەکەکێ یێن ل دکەڤنە د سینۆرێ ئۆپەراسیۆنا پەنجە – کیلید دە چەک و جەبلخانە دابین کریە و د ئۆپەراسیۆنەکا میتێ دە ل ھەرێما گارە ھاتیە کوشتن.
ھەروھا ھات راگەھاندن سەدات ئاکسو (شەڤگەر چیا) ژ سالا 1998 ڤە ناڤ پەکەکێ دە بوویە و ل باشوورێ کوردستانێ وەک یەک ژ بەرپرسێن رێخستنێ چالاک بوویە.
ژ ئالیێ دن ڤە رۆژا 7/5/2024ێ مالپەرێن نێزیک پەکەکێ ژی راگەھاندن کو سەدات ئاکسویێ کو وەک شەڤگەر تێ ناسکرن د ئێریشەکا ئارتێشا ترکیێ یا رۆژا 22/1/2022 دە ژیانا خوە ژ دەست دایە. ئانگۆ پەکەکێ ژی بەری چەند رۆژان کوشتنا وی بەرپرسێ خوە پشتراست کر.
