پشتی دو رۆژان ژ راگھاندنا راوەستاندنا ھەلمەتێن برنا جوانان بۆ لەشکەریا نەچاری، هەسەدێ ب دەھان جوان ل باژارێ حەسەکێ یێ رۆژئاڤایێ کوردستانێ گرتن.
رۆژا چارشەمبا بووری رێڤەبەریا پەیەدێ د داخویانیەکێ دە گۆتبوو کو دەستەیا بەرەڤانیێ یا سەر ب وێ ڤە ھەلمەتێن برنا جوانان بۆ لەشکەریا نەچاری “ل سەر داخوازا خەلکێ راوەستاندیە”.
ل گۆری داخویانیێ “نیشتەجیێن کێمتر ژ 3 سالان کو ژ دەرڤە ھاتنە و ل دەڤەرێن ل باکورێ رۆژھەلاتێ سووریێ دمینن، ھەروەھا کەسێن ژ مالباتێن شەھیدانە، یەکسەر تێن سەربەستبەردان ئەگەر ھاتن گرتن”.
پشتی داخویانیا پەیەدێ، ژێدەرێن خوەجھی ئەشکەرەکرن کو ل باژارێ حەسەکێ یێ رۆژئاڤایێ کوردستانێ هەسەدێ دەست ب دەوریێن خوە ل کۆلان و بازارێن دەڤەرێ کرن و پرت ژ 50 جوان د 24 دەمژمێران دە گرتن.
