16 سال جەزایێ گرتیگەهێ ل 4 وەلاتیێن کورد هات برین
دادگەها دەستهلاتا ئیرانێ، 16 سال جەزایێ گرتیگەهێ ل 4 وەلاتیێن بۆکان و پیرانشارێ یێن گرێدایی ئورمیێ بری.
بەریا ب سێ رۆژان 3 وەلاتیێن کورد یێن خەلکێ پیرانشارێ یێن ب ناڤێن هەژار دلسۆز، ئاکام خزرزادە، ئۆسمان دلسۆز و وەلاتیەکی دن یێ ژ بۆکانێ یێ ب ناڤێ سولەیمان سالک هاتبوون دەستەسەر کرن.
دادگەها تاوانان یا پیرانشارێ 16 سال جەزایێ گرتیگەهێ ل 4 وەلاتیان بری.
ل گۆری زانیاریان ژ بەر تۆهمەتا ئەندامه‌تیا پارتیەکە مخالەفەتێ، 2 سال جەزایێ زیندانێ ل 3 وەلاتیێن ب ناڤێن ئۆسمان دلسۆز 66 سالی، هەژار دلسۆز 30 سالی و ئاکام خزریزادە یێ 30 سالی هاتیە برین.
دادگەهێ 10 سال جەزایێ زیندانێ ل وەلاتیێ ب ناڤێ سولەیمان سالک یێ 73 سالی ژی بریە.
مرۆڤەکی یەک ژ وان کەسێن هاتیە جەزاکرن ژ رووداوێ رە ئەشکەرە کر هەتا 20 رۆژان ئەو دکارن سەری ل دادگەهێ بدن ل دژی وێ بریارێ دەرکەڤن ئەگەر نا دێ جەزایا وان وەرە بجهکرن.
سلێمان سالک 6ێ نیسانا 2022ان ئاژ لیێ ئاساییشا رێڤەبەریا ئیتلائاتێ ڤە هاتبوو گرتن.
پشتی ب چەند هەفتەیان ژی گولانا 2022ان ژی ئۆسمان دلسۆز، هەژار دلسۆز و ئاکام خزریزادە ژی هاتبوون گرتن.
ل گۆری گۆتنا یەک ژ خزمێن وان، پشتی گرتنا وان ب 2 مەهان هەر یەک ژ وان ب کەفالەتا 3.5 ملیار ریالێن ئیرانی (نێزیکی 65 هەزار دۆلار) هاتن بەردان، هەتا کو دۆسیەیێن وان هاتن چارەسەرکرن.
