بالافرێن شه‌ر لڤ و ته‌ڤگه‌رێن په‌كه‌كێ ل قه‌ندیلێ بۆردۆمان كرن 3 چه‌كدار كوشتن، ب ڤێ یه‌كێ رێخستنێ 18 چه‌كدارێن خوه ژ 10 گولانێ ڤه ب ئێریشێن ئاسمانی ل هه‌رێمێن گارێ، مه‌تینایێ، خواكوركێ وه‌ندا كرنه.
وه‌زاره‌تا پاراستنا نه‌ته‌وی یا تركیێ دوهـ رۆژا دوشه‌می 13/5/2024ێ راگهاند كو ب ئێریشا ئاسمانی 3 چه‌كدارێن په‌كه‌كێ ل چیایێ قه‌ندیلێ هاتنه كوشتن و گۆت كو «ئارتێشا ترکیێ ژ بۆ کو تەرۆرێ د جی دا تێک ببە، ب ئۆپەراسیۆنێن بێناڤبەر ڤا تێکۆشینێ ددۆمینە».
بالافرێن شه‌ر یێن ده‌وله‌تا ترك رۆژا 10 گولانێ 10 چه‌كدارێن په‌كه‌كێ ل هه‌رێمێن گاره و خواكوركێ كربوون ئارمانج، هه‌ر وها ل 11 گولانێ 2 چه‌كدار ل هه‌رێما مه‌تینا و ل رۆژا 12 گولانێ 3 چه‌كدار ل گاره‌ی.
ب ته‌ڤاهی ژ رۆژا 10 گولانێ ڤه، رێخستنا په‌كه‌كێ 18 چه‌كدارێن خوه و به‌رپرسه‌كی پایه‌بلند ب ئێریشێن ئاسمانی یێن تركیێ وه‌ندا كرنه.
