رێخستنا په‌كه‌كێ ناسنامەیا دو گەریلایێن خوه ئاشكه‌ره كرن كو مه‌هه‌كێ به‌رێ ل خاکورکێ كه‌تبوون به‌ر ئێریشان و جانێ خوە ژ دەست دا بوون.
هه‌په‌گێ باسكێ له‌شكه‌ری یێ په‌كه‌كێ دوهـ رۆژا دوشه‌می 13 گولانا 2024ێ ناسنامه‌یا دو چه‌كدارێن خوه یێن ب ناڤێ مه‌روان ئیبراهیم و ئه‌حمه‌د عه‌بدوللا ئاشكه‌ره كرن كو ل 18 نیسانا رابووری ل هه‌رێما خواكوركێ ب ئێریشا ئاسمانی یا ده‌وله‌تا ترك جانێ خوه ژ ده‌ست دا بوون.
هه‌په‌گێ دا زانین کو مه‌روان ئیبراهیم سالا 1997ان و ئه‌حمه‌د عه‌بدوللا ژی سالا 2012ان تەڤلی رەفێن په‌كه‌كێ بوونە.
ئه‌ڤ ده‌ما مه‌هه‌كێ یه، ئێریشێن ده‌وله‌تا ترك یێن ل دژی په‌كه‌كێ دژوار بوونه، ژ ده‌ستپێكا مه‌ها گولانێ ڤه په‌كه‌كێ 126 چه‌كدارێن خوه وه‌ندا كرنه ئه‌ڤه ل گۆری بیلانچۆیا ئارتێشا تركیێ كو ل 9 گولانێ د مه‌دیایا فه‌رمی یا ده‌وله‌تێ ده پارڤه‌كربوو.
