ل چەند باژارێن ترکیە و باکورێ کوردستانێ ئیرۆ د بسەرداگرتنێن مالان دە ب كێمی 40 رێڤەبەر و ئەندامێن دەم پارتیێ هاتن دەستەسەرکرن، سووچا ده‌سته‌سه‌ركرنێ، ئه‌ندامه‌تیا رێخستنا په‌كه‌كێ یه.
هێزێن ئەولەهیێ یێن ترکیەیێ ل باژارێن ستەنبۆل، ئیزمیر، ئانتالیا و وانێ ئیرۆ ب سەر گەلەک مالان دە گرت.
د چارچۆڤەیا لێپرسینا کو ژ ئالیێ سەردۆزگەریا کۆمارێ یا ستەنبۆلێ ڤە هاتیە کرن دە ب ئیدایا ئەندامبوونا په‌كه‌كێ/كه‌جه‌كێ دەربارێ 25 کەسان بریارا دەستەسەرکرنێ هاتبوو دایین.
ل سەر ڤێ یەکێ هێزێن ئەولەهیێ ل 25 ناڤنیشانان ئۆپەراسیۆن کر و 21 کەس هاتن دەستەسەرکرن.
هات زانین کو د بسەردەگرتنێن مالان یێن ل ستەنبۆلێ دە تەڤی ئەندامێ مەجلیسا پارتیێ (PM) یا دەم پارتیێ ئونال یوسوفئۆگلو، رێڤەبەرێن کۆمەلەیا پشتەڤانیا ب مالباتێن گرتی و کوومخواران رە یا مارمارایێ (ماتوهای-دەر) و چەند ئەندامێن دەم پارتیێ هاتنە دەستەسەرکرن.
پۆلیسان کەسێن هاتنە دەستەسەرکرن برن رێڤەبەریا پۆلیسانا ستەنبۆلێ یا ل فاتیحێ.
ناڤێن هن کەسێن هاتنە دەستەسەرکرن وهانە:
ئادیل گوموش، فیکری باش، زوبەییر تاش، ڤیلدان دۆگان، ئونال یوسوفۆگلو، ئالامەتتین دەمیر، نەجلا ئاکتای، سوعاد یلدز، ئەرتان هامیتئۆگلو، زوبەیدە گولسول، سوزان گەزیجی، ئاهمەت ئالتنشک، بینگوزەل ئولو، فیلیز ئایدن، یاشار گۆکدەمیر.
هەروها لێگەرینا هێزێن ئەولەهیێ یا ژ بۆ ژ بۆ دەستەرسەرکرنا 4 کەسێن دن ژی دەوام دکە.
ل ئیزمیرێ ژی ب هنجەتا پرۆتەستۆیێن ژ بۆ پشتەڤانیا شارەدارێن وانێ دەربارێ 19 کەسان بریارا دەستەسەرکرنێ هات دایین.
د بسەردەگرتنا مالان دە 16 کەس هاتن دەستەسەرکرن.
ناڤێن کەسێن ل رێڤەبەریا پۆلیسانا ئیزمیرێ تێن راگرتن وهانە:
ئەرکان گۆکبەر، توگچە کزلدەمیر، مەهمەت کاسار، ئەمینە ئاکبابا، بەرفین بویوکەرتاش، ئاردا دوڤارج، ئازات کونور، ئەلیف یەرلیکایا، موهاممەت ئاردا بولگان، نیلوفەر یلدز، سامەت ساگنچ، سەردار ئاکتورک، سەزگین زەڤکیبۆل، سودە تیماگور.
ل ئالیێ دن ڤە، ل ئانتالیایێ ژی پۆلیسان ئیرۆ سەرێ سبەهێ ب سەر چەن مالان دە گرت.
د بسەردەگرتنێن مالان دە هەڤسەرۆکێ دەم پارتیێ یێ ناڤچەیا دۆشەمەئالتیێ فەهمی کاراکوش، ئاهمەت رەفیک ئاکارجا، دەریا پۆلات هاتن دەستەسەرکرن.
د هەمان دەمێ دە ل باژارێ وانێ ژی د چارچۆڤەیا سەردۆزگەریا کۆمارێ یا بەدلیسێ دایە دەستپێکرن دە شەرەناز گەزیجی هات دەستەسەرکرن.
