ژ 9ی ڤێ مه‌هێ ڤه بالافرێن تركیێ په‌كه‌كه ل 19 گوند و ناڤچه‌یێن دهۆكێ بۆمبه‌باران كرنه
ئێریشێن ده‌وله‌تا ترك ژ ده‌ستپێكا مه‌ها گولانێ ڤه ل سه‌ر په‌كه‌كێ پڕ دژوار بوونه، رێخستنێ وه‌نداهیێن مه‌زن دا نه، ئه‌ڤ ژی دبه ده‌ستپێك بۆ گه‌فێن ئاردۆگان یێن ئه‌نجامدایینا ئێریشا به‌ژاهی یا به‌فه‌ره‌هـ ل هه‌رێمێن كو په‌كه‌كه لێ چالاكه.
داركا مازی ئاگاهیێن ده‌ربارێ لڤ و ته‌ڤگه‌رێن په‌كه‌كێ یێن ل سینۆرێ پارێزگه‌ها دهۆكێ و هه‌رێمێن كو كه‌تنه به‌ر ئێرێشن هه‌وایی گرتن و ئاشكه‌ره بوو كو ژ 9ی گولانێ ڤه بالافرێن ده‌وله‌تا ترك و ئارتێشا وێ په‌كه‌كه ل 19 گوند و ناڤچه‌یێن پارێزگه‌ها دهۆكێ هه‌ده‌ف كرنه.
گوند و ناڤچه‌یێن دهۆكێ یێن كو ژ 9 مه‌ها گۆلانێ ڤه ب سه‌ده‌ما په‌كه‌كێ راستی بۆمبه‌بارانێ هاتین:
ل 9/5/2024ێ:
دەمژمێر 7:50 شه‌ڤێ بالافرێن ئارتێشا تركیێ چیایێ هنداڤی گوندێ سەروکانیێ ل دەڤەرا زێباریا بۆردۆمانکریە و یه‌ك مووشەک لێخستیه.
به‌ریا وێ ژی ل هه‌مان رۆژێ ئانكو ده‌مژمێر 3:20 تا 3:50 پاش نیڤرۆژێ، تۆپخانه‌یێن ئارتێشا تركیێ 7 تۆپ ل چیایێ مەتینایێ خستنه.
دەمژمێر 9:45 شەڤی تا ده‌مژمێر 1:00 شه‌ڤێ هه‌لیكۆپته‌رێن ئارتێشا تركیێ ب مووشەک و چەکا دۆشکێ سینۆرێ گوندێن دەرگەلا مووسا بەگ، بێشیلێ و شێلازا ل دەڤەرا بەرواری باڵا بۆردۆمانکرنە.
ل 10/5/2024ێ:
دەمژمێر 1:21 تا 1:10 پشتی نیڤرۆ بالافرێن ئارتێشا تركیێ گەلیێ گوندێ هنداڤی گویلکا ل ناحیا کانی ماسێ – دەڤەرا بەرواری باڵا بۆردۆمانکریە و دو مووشەک لێخستنه.
دەمژمێر 1:35 تا 1:50 پشتی نیڤرۆ نێزیکی 20 ئه‌ره‌به‌یێن ئارتێشا تركیێ ژ جۆرێ زیل ژ گوندێ دەشتانێ قەزا چەلێ ب رییا سەربازگەها گرێ سۆر دەربازی ناڤ خاكا هه‌رێما كوردستانێ بوونە و بەرەف چیایێ مەتینایێ كه‌تن رێ.
دەمژمێر 12:30 نیڤرو بالافرێن ئارتێشا تركیێ شیڤا د ناڤبەرا گوندێن مەیدووکێ و چەم ڕبەتكێ ل ناحیا چەمانکێ – دەڤەرا نەهلێ بۆردۆمانکرنە و دو مووشه‌ك لێخستنه.
دەمژمێر 9:50 تا 12:30 شەڤێ هه‌لیكۆپته‌رێن ئارتێشا تركیێ ب مووشەکا و چەکا دۆشکێ سینۆرێ گوندێن دەرگەلا مووسا بەگ، بێشیلێ و شێلازا ل دەڤەرا بەرواری باڵا بۆردۆمانکرنە.
ل 2024/5/11ێ:
دەمژمێر 2:00 پشتی نیڤرۆ بالافرێن ئارتێشا تركیێ سەرێ گەلیێ گوندێ سەرگەلێ ل ناحیا دێرەلۆکێ ل دەڤەرا نهێلیا بۆردۆمانکریە و یه‌ک مووشەک لێخستیه.
دەمژمێر 11:05 سپێدێ بالافرێن ئارتێشا تركیێ کێریێ شێلازا و گەلیێ بێشیلێ ل ناحیا کانی ماسێ ل دەڤەرا بەرواری باڵا بۆردۆمانکریە و دو مووشەک لێخستنه.
ل 2024/5/12ێ:
دەمژمێر 1:05 تا 1:10 نیڤرۆ بالافرێن ئارتێشا تركیێ گەلیێ هەسپا و گەلیێ گوندێ دەرگەلا مووسا بەگێ – ناحیا کانی ماسێ ل دەڤەرا بەرواری باڵا بۆردۆمانکریە و دو
مووشەک لێخستنه.
دەمژمێر 5:25 ئێڤاری شه‌فه‌له‌كا ئارتێشا تركیێ ل سوورێ سگێرێ ل دەڤەرا نهێلیا کار دکر، چەکدارێن په‌كه‌كێ ب چەکا مامناوەند تەقە ل وان کر و پشتره چەکدار ژ وی ده‌رێ ره‌ڤیان.
ل 2024/5/13ێ:
دەمژمێر 10:50 سپێدێ بالافرێن ئارتێشا تركیێ دەڤەرا دەریێ بێری ل ئاقارێ گوندێ بەرچێ ل ناحیا دێرەلۆکێ ل دەڤەرا نهێلیا بوردومان کریە و دو مووشه‌ك لێخستنه.
دەمژمێر 5:35 تا 5:40 ئێڤارێ بالافرێن ئارتێشا تركیێ شکەفتا بابەکرا ل گەلیێ بازێ و ئاقارێ گوندێ دەرگەلا مووسا بەگێ ل ناحیا کانی ماسێ ل دەڤەرا بەرواری باڵا بۆردۆمانکرینە و دو مووشەک لێخستنه.
دەمژمێر 5:55 ئێڤارێ بالافرێن ئارتێشا تركیێ تۆنێلا چەکدارێن په‌كه‌كێ ل هنداڤی ئاقارێ گوندێ گوهەرزێ ل ناحیا دێرەلۆکێ ل دەڤەرا نهێلیا بۆردۆمانکریە و یه‌ك مووشەک لێخستیه.
ل هه‌مان رۆژێ ده‌مژمێر 3:30 ئێڤارێ تۆپخانه‌یا ئارتێشا تركیێ کێریێ گوندێ شیلازا ل ناحیا کانی ماسێ ل دەڤەرا بەرواری باڵا تۆپباران کریە و شەش تۆپ لێخستنه.
ل 2024/5/14ێ:
دەمژمێر 11:30 سپێدێ تا 1:35 نیڤرۆ بالافرێن ئارتێشا تركیێ تۆنێلا چەکدارێن په‌كه‌كێ ل هنداڤی ئاقارێ گوندێ گوهەرزێ ل ناحیا دێرەلۆکێ ل دەڤەرا نهێلیا بۆردۆمانکریە و یه‌ك مووشەک لێخستیه.
دەمژمێر 1:30 تا 1:45 پشتی نیڤرۆ بالافرێن ئارتێشا تركیێ گەلیێ گوندێ دەرگەلا مووسا بەگ – ناحیا کانی ماسێ ل دەڤەرا بەرواری باڵا بۆردۆمانکریە و یه‌ك مووشەک لێخستیه.
دەمژمێر 2:45 تا 2:00 ئێڤارێ تۆپخانه‌یا ئارتێشا تركیێ چیایێ مەتینا ل هنداڤی ئاقارێ گوندێ گویلکا ل ناحیا کانی ماسێ ل دەڤەرا بەرواری باڵا تۆپباران کریە و پتر ژ 10 تۆپان لێخستنه.
دەمژمێر 3:00 تا 3:30 ئێڤارێ هه‌ژمارا 4 هه‌لیكۆپته‌رێن تركیێ ئاقارێ گوندێ گویلکا ل ناحیا کانی ماسێ ل دەڤەرا بەرواری باڵا بۆردۆمانكریە و تەق ب چه‌كا دۆشکێ ل ئاقارێ گوند كری یه.
چه‌كدارێن په‌كه‌كێ هه‌ر كو دچه ب ئاوایه‌كی سیسته‌ماتیك شه‌رێ خوه یێ ب ئارتێشا تركیێ ره نێزی گوندان دكه، ئه‌و دخوازه ووسا ئه‌و گوند هه‌رێم ژ شێنییان وه‌رن ڤالا كرن و ببن قادێن عه‌سكه‌ری. په‌كه‌كه ب شه‌رێ خوه یێ ساخته و هنه‌ك چالاكیێن ئیستفزازی ب ڤی ئاوایی له‌شكه‌ری تركیێ كێشی كووراهییا خاكا باشوورێ كوردستانێ دكه.
ره‌جه‌ب تاییپ ئاردۆگان ژ به‌ری سه‌ردانا خوه 22 نیسانا ئیسالێ بۆ به‌غدایێ و هه‌ولێرێ، گه‌فا ده‌ستپێكرنا ئێریشه‌كه به‌ژاهی یا به‌رفه‌ره‌هـ ل دژی په‌كه‌كێ خواربوو، وی گۆت: ئه‌مێ ل هاڤینا ئیسالێ سینۆرێ خوه یێن ب ئیراقێ ره ژ ته‌رۆرێ ب قه‌دینن، پشتی ڤێ سه‌ردانا ئاردۆگان تایبه‌ت ژ ده‌ستپێكا مه‌ها گولانێ ڤه گوند و هه‌رێمێن پارێزگه‌ها دهۆكێ راستی ئێریش و بۆمبه‌بارانێن دژوار یێن ئارتێشا تركیێ تێن.
