ل مووشا باکورێ کوردستانێ د ئەنجاما ل ھەڤدانا دو ئۆتۆمۆبیلان دە 3 کەسان ژیانا خوە ژ دەست دان، 5 کەسێن دن ژی بریندار بوون.
د رێیا ناڤبەرا مووش و بەدلیسێ دە ئۆتۆمۆبیلا ئاژۆکارێ وێ عەلی رزا ئاکپۆلات و ئۆتۆمۆبیلا ئاژۆکارێ وێ شەمدین تولگار ل خاچەرێیا ڤارتینیسێ ل ھەڤدان.
ل سەر ئاگاھداریێ تیمێن جەندرمە، تیمێن ئاگرکوژ و تیمێن 112 یێن تەندورستیێ گەھەشتن جیھێ بوویەرێ.
د بوویەرێ دە عەلی رزا، فەریدە ئەبرار، یاگمور و محەمەد حوسەیین ئاکپۆلان و شەمدین، سامەت و سەلجان تولگار و پتکەکی کو ناڤێ وێ نەھاتە زانین بریندار بوون.
ھات راگەھاندن بریندار ژ ئالیێ تیمێن تەندورستیێ ڤە ژ بۆی نەخوەشخانەیێن مووش و بەدلیسێ ھاتن ڤەگوھەستن و د بوویەرێ دە شەمدین، سامەت و سەلجان تولگار ل گەل ھەموو ھەولدانان نەھاتن رزگارکرن و ژیانا خوە ژ دەست دان و بریندارێن دن ژی د بن چاڤدێریا پزیشکی دە نە.
