ئێریشێن دەولەتا ترک یێن ل سەر بنکە و بارەگەهێن پەکەکێ یێن د ناڤا خاکا باشوورێ کوردستانێ بەردەوام دکن، نە ترکیە ژ هۆڤیتیا خوە و نەژی پەکەکە ژ دەرەوێن خوە پاشگەز نابن، ترکیە رۆژانە پەکەکێ د ناڤا باشوور دە بۆمبەباران دکە و پەکەکە ژی رۆژانە د مەدیایێن خوە دە مژوولی سەرڤیسکرنا دەرەوان دەربارێ ڤی شەرێ سەختەیە، ژ بۆی ڤەشارتنا ڤان شکەستنێن خوە یێن لەشکری ژی پەکەکە هەر تم ئێریشێ سەر پەدەکێ و بارزانیان دکە.
پشتی کو پەکەکێ تەڤ باکورێ کوردستانێ رادەستی دەولەتا ترک کری، نها دخوازە باشوورێ کوردستانێ ژی تووشی هەمان چارەنڤیس بکە، پەکەکێ تەڤ لۆتکەیێن ستراتەژیک یێن کوردستانێ رادەستی ترکیێ کرن، نها ژی دخوازە وان بکشینە ناڤا کووراهیا خاکا باشوورێ کوردستانێ، بۆ ڤێ مەبەستێ ژی ب قاسی کو دکارە خوە نێزی جهێن سڤیلان دکە و ژ بەر ڤێ یەکێ زرارەکە مەزن دایە گەلێ باشوور و بەردەوام خاکا باشوورێ کوردستانێ تێ بۆمبەبارانکرن و داگیرکرن.
داركا مازی ئاگاهیێن ده‌ربارێ لڤ و ته‌ڤگه‌رێن په‌كه‌كێ یێن ل سینۆرێ پارێزگه‌ها دهۆكێ و هه‌رێمێن كو كه‌تنه به‌ر ئێرێشن هه‌وایی یێن دەولەتا ترکیێ ب دەست خستن و ئاشكه‌ره بوو كو ژ 16ێ گولانێ ڤه بالافرێن ده‌وله‌تا ترك و ئارتێشا وێ په‌كه‌كه ل 6 گوند و ناڤچه‌یێن پارێزگه‌ها دهۆكێ هه‌ده‌ف گرتیە.
گوند و ناڤچه‌یێن دهۆكێ یێن كو ژ 15ێ مه‌ها گۆلانێ ڤه ب سه‌ده‌ما په‌كه‌كێ راستی بۆمبه‌بارانێ هاتین ئەڤن:
د 16/5/2024ێ دە:
دەمژمێر 16:30ێ ئێڤارێ بالافرێن شەر یێن ترکیێ تونەلا ل سەرێ چیایێ مەتینا ل هنداڤی گوندێ گوهەرزێ یێ سەر ب ناحیا دێرالۆکێ بۆمبەباران کر، هەروەها ل دەمژمێر 18:20ێ دە بالافرێن شەر یێن ترکیێ چیایێ گارە ل هنداڤی گوندێ سارکێ یێ سەر ب ناحیا سەرسنکێ بۆمبەباران کریە.
د 17/5/2024ێ دە:
دەمژمێر 13:40 بالافرێن شەر یێن ترکیێ شکەفتا بابەکرا یا دکەڤە گەلیێ بازێ و گەلیێ دێرا یێن سەر ب ناحیا کانی ماسێ ڤە ب دو مووشەکان بۆمبەباران کرینە، هەروەها دەمژمێر 15:30ێ بالافرێن ترکیێ چیایێ هنداڤی گوندێ سگێرێ یێ سەر ب ناحیا دێرالۆک ڤە کو ب (سوورێ سگێرێ) تێ ناسکرن ب مووشەکەکی بۆمبەباران کریە.
دەمژمێر 20:15 هەیانی 20:30 تۆپخانەیێن لەشکرێ ترکیێ هنداڤی گوندێن دەرگەلێ و بێشیلێ یێن سەر ب ناحیا کانی ماسێ ڤە ب 6 مووشەکان هەدف گرتنە.
د 18/5/2024ێ دە:
دەمژمێر 19:45ێ بالافرێن لەشکرێ ترکیێ گەلیێ دەرگەلێ و ئاقارێ گوندێ گویلکا یێن سەر ب ناحیا کانی ماسێ ڤە ب دو مووشەکان بۆمبەباران کرنە.
دەمژمێر 21:40 هەیانی 23:00 بالافرێن شەر یێن ترکیێ ئاقارێ گوندێ گویلکا هەیانی دگەهە ئاقارێ گوندێ شێلازا ب مووشەکان و چەکێ دۆشکا ئارمانج کرنە.
دەمژمێر 19:55 بالافرێن شەر یێن ترکیێ جارەکە دن تونەلا هنداڤی گوندێ گوهەرزێ یێ دەڤەرا نهێلێ بۆمبەباران کریە.
د 19/5/2024ێ دە:
دەمژمێر 08:40 بالافرێن ترکیێ هنداڤی گوندێ کانی رەشێ یێ سەر ب ناحیا کانی ماسێ ڤە ب موشەکەکی بۆمبەباران کریە.
دەمژمێر 09:10 هەیانی 09:50 بالافرێن شەر یێن ترکیێ جارەکە دن ئاقارێ گوندێ گویلکا و بێشیلی ب مووشەک و چەکێ دۆشکا هەدەف گرتنە.
تێ زانین تەڤ ئێریشێن دەولەتا ترکیێ یێن ب هێنجەتا هەبوونا پەکەکێ ل سەر باشوورێ کوردستانێ تێن کرن دبن سەدەما زرارێن مادی و مەعنەوی یێن گەلێ باشوور، هەروها د ڤان ئێریشان دە هەژمارەک هەری زێدە یا جوانێن کورد یێن کو ژ ئالیێ پەکەکێ ڤە هاتنە خاپاندن تێن کوشتن.
