ئارتێشا ترکییێ وێستگەھەکا پەترۆلێ ل رۆژئاڤایێ کوردستانێ بۆمبەباران کر

درۆنەکا ترکییێ ب ئێریشەکا ئەسمانی وێستگەھا پەترۆلێ یا سەعیدێ یا ل گوندەوارێ تربەسپیێ بۆمبەباران کر و دوومان ژ جھێ ھاتیە ئارمانجکرن بلند بوو.

رەوانگەھا سووری بۆ مافێن مرۆڤان بەلاڤ کر، ئارتێشا ترکییێ وێستگەھا پەترۆلێ یا سەعیدایا دکەڤە باکورێ باژارۆکێ تربەسپیێ ب دو مووشەکان کرە ئارمانج و د ئەنجامێ دە، بەشەک ژ وێستگەهێ وێران بوو.

وێستگەها سەعیدە دویەمین مەزنترین وێستگەها کۆمکرنا پەترۆلێ ل ھەرێما جزیرا رۆژئاڤایێ کوردستانێیە. ستاسیۆن د داویا سالا بۆری دە ژ بەر ئێرشێن دەولەتا ترکییێ ژ خزمەتێ دەرکەتبوو.

ب ڤی ئاوایی، ھەژمارا ئێریشێن ئاسمانی یێن ئارتێشا ترکییێ ل سەر دەڤەرێن د بن کۆنترۆلا ھەسەدێ دە، ژ دەستپێکا سالا 2024 ڤە گھیشتیە 74 و بوونە سەدەما کوشتنا 20 کەسان و ھەروھا زێدەتری 25 کەسان ژی بریندار بوون کو د ناڤا وان دە، ژنەک و 3 زارۆک ھەنە.