تێکلیێن د نێڤبەرا رەژێما سووریێ و پەیەدێ دە ژ بۆی پێش سالا 2011 ڤەدگەرن، پشتی بوویەرێن سالا 2011 ژی ئەڤ تێکلی پێتر بهێز بوون و رەژێما سووریێ هەرێمێن کوردی ب رێکەفتن تەسلیمی پەیەدێ کرن.
ژ ئالیێ خوە ڤە پەیەدێ رێژەیەکە مەزن ژ پەترۆلا کو ل رۆژئاڤا بەرهەم دئانی تەسلیمی رەژێمێ دکر، و هەیانی نها ژی تەسلیم دکە و بازرگانیێ پێ دکە، نها ژی تێکلیێن وان یێن لەشکەری و بازرگانی و ئیداری هەنە، و بەردەوام بەرپرسێن پەیەدێ ژ بۆی چارەسەریا پزیشکی دەرباسی هەرێمێن د بن دەستهلاتا رەژێما سووریێ دبن.
د ڤێ دەربارێ دە چاڤکانیێن پێگەها دارکا مازی ل رۆژئاڤا کوردستانێ ئەشکەرە کرن، «د.حەمید» کو خەلکێ رۆژئاڤایێ کوردستانێ یە کارێ هەماهەنگیا د نێڤبەرا پەیەدێ و رەژێما سووریێ دە دکە ل باژارێ حەلەبێ، د رۆژا 12/2/2024 دە داخواز ژ سازییا ئیستیخباراتا سووریێ ل باژارێ دیمەشقێ کریە کو رێ ب «خەلیل ئەحمەد محەمەد» یەک ژ کادرۆیێن پایەبلند یێن پەیەدێ بدە ژ بۆی چارەسەریا پزیشکی دەرباسی باژارێ دیمەشقێ ببە.
چاڤکانیێن دارکا مازی ئەشکەرە کرن، پشتی رەزامەندیا ئیستیخباراتا رەژێما سووریێ، ئەڤ کادرۆیێ پەیەدێ دەرباسی باژارێ دیمەشقێ بوویە.
