بالافرێن شه‌ر لڤ و ته‌ڤگه‌رێن په‌كه‌كێ ل خاكوركێ بۆردۆمان كرن، 3 چه‌كدار كوشتن، ب ڤێ یه‌كێ رێخستنێ 24 چه‌كدارێن خوه ژ 10 گولانێ ڤه ب ئێریشێن ئاسمانی ل هه‌رێمێن گاره، مه‌تینا، خاكوركێ و قه‌ندیلێ وه‌ندا كرنه.
وه‌زاره‌تا پاراستنا نه‌ته‌وی یا تركیێ دوهـ رۆژا دوشه‌می 20/5/2024ێ به‌لاڤ كر كو ل هه‌رێما خاكوركێ 3 چه‌كدارێن رێخستنا په‌كه‌كێ بوونه ئارمانجا هێزێن چه‌كدار یێن تركیێ و گۆ كو ئۆپه‌راسیۆنێن وان ژ بۆی نه‌هشتنا ته‌رۆرێ وێ بێ ناڤبر ده‌وام بكن.
ده‌ستنیشان كر، ل رۆژا 17/5/2024ێ ژی بالافرێن شه‌ر 3 چه‌كدارێن رێخستنێ ل هه‌رێما «په‌نجه – كلیتێ» هه‌ده‌ف كربوون.
بالافرێن شه‌ر رۆژا 13/5/2024ێ ژی لڤ و ته‌ڤگه‌رێن په‌كه‌كێ ل قه‌ندیلێ بۆردۆمان كرن 3 چه‌كدار كوشتن، ب ڤێ یه‌كێ و ل گۆری ئاگاهیێن ده‌ستێ مه، رێخستنا په‌كه‌كێ 24 چه‌كدارێن خوه ژ 10 گولانێ ڤه ب ئێریشێن ئاسمانی ل هه‌رێمێن گاره، مه‌تینا، خاكوركێ و قه‌ندیلێ وه‌ندا كرنه.
