رێخستنا په‌كه‌كێ ناسنامەیا گەریلایەکی کو ل باشوورێ کوردستانێ به‌ریا 5 مه‌هان هاتبوو كوشتن ژ نوو ڤه ئەشکەرە کر.
هات راگهاندن کو گەریلایێ ب ناسناڤێ سیدار سەرحەد کانوونا پاشینا ئیسال ل باشوورێ کوردستانێ جانێ خوە ژ دەست دایە و رێخستنا په‌كه‌كێ ژ نوو ڤه ئیرۆ مرنا وی ئیلان كر.
ل گۆری داخویانیێ ناسنامەیا سیدار سەرحەد وهایە:
سیدار سەرحەد: ناڤێ وی یێ فەرمی توران دەردییۆکە و ئەو ژ ئەرزرۆما باکورێ کوردستانێ یە.
هه‌په‌گێ دیار کر کو سیدار سەرحەد د شەر ل هه‌رێما زاپێ دە جانێ خوە ژ دەست دایە.
په‌كه‌كه هه‌ر رۆژ ناسنامه‌یا كۆمێن جوانێن كوردان پارڤه‌دكه، جوانێن كو د سال و مه‌هێن به‌رێ ده ب ده‌ستێ ئارتێشا ده‌وله‌تا ترك دا نه كوشتن و مرنا وان ل مالباتێن وان ڤه‌شارتی.
