سەردار ئۆرتاچ: داییکا من ئەم فێری کوردی دکرین، لێ ئەم نە دئاخڤتین
پرانیا سترانبێژێن کو ئیرۆ ل ترکیێ ناڤدارن کوردن. ژ بەر بەرژەوەندی و ترسا کو دێ دەولەتا ترک وان رەنجیدە بکە و وان باڤێژە دەرڤەیی جڤاکا ترک، ئەسل و کۆکا خوە ئینکار دکن و دخوازن خوە د بن پەردا ترکایەتیێ دە ڤەشێرن.
ھەتا نھا ھەر کەسی وە دزانی کو سترانبێژ سەردار ئۆرتاچ ترکە. ئۆرتاجێ کو ب شکل و شەمالێ خوە دشبهە مۆغۆلان، ئەشکەرە کر کو ژ روحایێ یە و دایکا وی کوردە.
سترانبێژ سەردار ئۆرتاچ، د بەرنامەیەک یۆتیوبێ دە، دەربارێ گاڤا د سالا 1999 دە و د مەراسیما خەلاتدایینێ دە ھەولا کوشتنا ئەحمەد کایا هاتیە دایین، جارەک دن ئاخڤی.
سەردار ئۆرتاچێ کو بەری نھا ژ بەر سەرپێھاتیێن کو ئەحمەد کایا تێ را دەرباس بووی لێبۆرین خوەستبوو گۆت: “دەما کو ئەز ڤەدگەرم وێ سالێ، ئەز دخوازم خوە پارچە پارچە بکم. د وان سالان دە کەس نەدشیا ب کوردی باخڤیت. وی دزانی کو ئەو دێ هێت گرتن، لێ ئەو وێرەک بوو”.
هەر وەها ئۆرتاچ ئانی زمان کو دایکا وی ژ روحایێ یە و کوردە و گۆت: “د سالا 1970 دە مە نکاریبوو ب کوردی سلاڤ بکن، دایکا من یا روحایی ئەم فێری کوردی کرین، لێ ئەم نەدئاخڤتین”.
