شه‌ش چه‌كدارێن دن یێن رێخستنا په‌كه‌كێ ب ئێریشێن ئاسمانی یێن ئارتێشا تركیێ ل هه‌رێما كوردستانێ هاتن كوشتن و رێخستنا په‌كه‌كێ تام وه‌نداهیێن خوه یێن مه‌ها گولانێ ڤه‌شارتینه.
وه‌زاره‌تا پاراستنا نه‌ته‌وی یا تركیێ دوهـ رۆژا سێشه‌می 21/5/2024ێ به‌لاڤ كر كو ل هه‌رێما ئۆپه‌راسیۆنا په‌نجه – كلیتێ 6 چه‌كدارێن رێخستنا په‌كه‌كێ بوونه ئارمانجا هێزێن چه‌كدار یێن تركیێ و گۆ كو ئۆپه‌راسیۆنێن وان ژ بۆی نه‌هشتنا ته‌رۆرێ وێ بێ ناڤبر ده‌وام بكن.
ئه‌ڤ ئێریش هه‌موه‌ختا ئێریشێن رۆژا دوشه‌مییا رابووری تێن كو تێ ده 3 چه‌كدارێن دن یێن په‌كه‌كێ هاتبوو كوشتن.
ل رۆژێن 13 و 17 گولانێ ژی بالافرێن شه‌ر 6 چه‌كدارێن رێخستنێ ل هه‌رێما «په‌نجه – كلیتێ» و قه‌ندیلێ هه‌ده‌ف كربوون، ب ڤێ یه‌كێ و ل گۆری ئاگاهیێن ده‌ستێ مه، رێخستنا په‌كه‌كێ 30 چه‌كدارێن خوه ژ 10 گولانێ ڤه ب ئێریشێن ئاسمانی ل هه‌رێمێن گاره، مه‌تینا، خاكوركێ و قه‌ندیلێ وه‌ندا كرنه.
