رێخستنا په‌كه‌كێ ناسنامه‌یا 2 چه‌كدارێن خوه یێن كه‌چ راگهاند كو ل باشوورێ كوردستانێ كه‌تنه به‌ر ئێریشێ ده‌وله‌تا ترك و ژیانا خوه ژ ده‌ست دانه.
هه‌په‌گێ باسكێ له‌شكه‌ری یێ په‌كه‌كێ ئیرۆ رۆژا چارشه‌میێ 22\5\2024 ناسنامه‌یا 2 چه‌كدارێن خوه یێن كه‌چ ئه‌شكه‌ره كر كو ل 23 نیسانا ئیسالێ ل هه‌رێما خاكوركێ یا ل باشوورێ كوردستانێ كه‌تنه به‌ر ئێریشێن ده‌وله‌تا ترك و ژیانا خوه ژ ده‌ست دا نه.
ئه‌ڤ 2 كه‌چێن كو په‌كه‌كێ ئه‌و د به‌رخوه‌دانا خوه یا ساخته ده وه‌ندا كرین، ب ناڤێن دلژین عه‌بدولره‌حمان و نووژیان ئیسماعیل تێن ناس كرن، ئه‌و ژ عه‌فرین و مێردینێ نه، رێخستنێ ئه‌و وه‌كه ب هه‌زاران كه‌چێن دن یێن كوردان خاپاندن و ب ناڤێ به‌رخوه‌دانێ به‌رێ وان دا مرنێ.
رێخستنا په‌كه‌كێ هه‌ر رۆژ وێنه‌یێن كۆمێن كه‌چ و جوانێن كوردان به‌لاڤ دكه یێن كو د سالێن به‌رێ ده فه‌دا كرین و پاش ده‌رباسبوونا ده‌مه‌ك درێژ ژ نوو ڤه مرنا وان ئیلان دكه، تێ ته‌خمین كرن ب هه‌زاران جوانێن كورد مابن كو هێژان په‌كه‌كێ ناسنامه‌یا وان ئیفشا نه‌كربه.
