د بەردەوامیا زنجیرەیا ته‌وانێن ره‌ڤاندنا زارۆكێن كوردان ده ژ هێلا چه‌ته‌یێن په‌كه‌كێ ل هەرچار پارچەیێن کوردستانێ، ب تایبەتی زارۆکێن ئێزدیان، چه‌ته‌یێن رێخستنێ دو کەچێن کوردێن ئێزیدی ل شنگالێ رەڤاندن.
چاڤکانیێن خوەجهی ژ هەرێمێ راگهاندن کو چه‌كدار و چه‌ته‌یێن په‌كه‌كێ کەچا ب ناڤێ «ژان خەلەف خەدر ژ گوندێ کۆجۆ و کەچا ب ناڤێ فیرده‌ووس فارس مووسا» ژ گوندێ تەل قەساب یێ شنگالێ رەڤاندن و برن جهەکی نەناس.
پارتیا کارکەرێن کوردستانێ (په‌كه‌كه) ب هه‌زاران زارۆکێن د ناڤبەرا 11 و 16 سالی دە، ب تایبەتی ل رۆژئاڤایێ کوردستانێ و هەروها ل شنگالێ، کو سەردەستیا وێ ل سەر رێڤەبەریا وێ دەرێیە ره‌ڤاندنه، رێخستن وان زارۆكان د شه‌رلن ده ب كار تینه و به‌رێ وان دده مرنێ.
پارتیا ترک ب ئیستسمارکرنا شەرت و مەرجێن جڤاکی زارۆکان ژ شه‌نگالێ و ناڤچه‌یێن وێ درەڤینە دا کو وان بخاپینە و تەڤلی رەفێن چەکدارێن خوە بكه، ئەڤ کریار ژی ب مەترسیەکە مەزن ل سەر پاشەرۆژا جڤاکا کوردستانێ و ب تایبه‌ت جڤاكا ئێزدی ل وێ ده‌رێ تێ حه‌ساب كرن.
ئەڤ كریارێن په‌كه‌كێ ب ته‌وانێن هه‌ری مه‌زن تێ حه‌ساب كرن، ژ به‌ر كو زارۆکێن کورد ژ مافێ فێربوون و وەرگرتنا پەروەردەهیەکە ساخلەم و دووری توندیێ تێن بێپارکرن، هه‌ر وها ئەڤ یەک بنپێكرنه‌كا ئەشکەرەیه بۆ نرخێن کوردان و قانوون و پیڤانێن ناڤنەتەوەیی.
