ھەڤدەمێ ھەبوونا کڕیزا سووتەمەنیێ ل ناڤچەیێن کوردی ل رۆژئاڤایێ کوردستانێ، رێڤەبەریا پەیەدێ د فرۆتن و شاندنا سووتەمەنیێ بۆ ناڤچەیێن د بن کۆنترۆلا رێژیما ئەسەد و ئۆپۆزسیۆنا سووریێ دە بەردەوامە.
رەوانگەھا سووری یا مافێن مرۆڤان راگھاند کو رۆژا پێنشەمبێ 23/5/2024 ب دەھان بارھلگر گھەشتن رۆژئاڤایێ کوردستانێ، ژ بۆ ڤەگوھاستنا پەترۆلێ ژ بۆ ناڤچەیێن د بن کۆنترۆلا رێژیما ئەسەد.
ل گۆری رەوانگەھێ ئەو بارھلگرێن سەر ب رێژیمێ ڤە د رێیا دەرگەھێ تەبقا ل گوندەوارێ رەقایێ گھەشتن باژارێ حەسەکێ یێ رۆژئاڤایێ کوردستانی ژ بۆ ڤەگوھاستنا پەترۆلێ بۆ ناڤچەیێن رێژیمێ.
شاندنا سووتەمەنیێ د چارچووڤەیا بەردەوامیا کریزا سووتەمەنیێ مینا گازواییل و بەنزینێ ل دەڤەرێن د بن کۆنترۆلا پیدێ دە تێ.
