ل باژارێ منبجێ چەتەیێن پەکەکێ یێن ب ناڤێ “رێخستنا جوانێن شۆرەشگەر”، زارۆکەک تەمەن بچووک ب ئارمانجا تەڤلیکرنا وی د ناڤا رەفێن پارتیێ دە رەڤاندن.
ل گۆری ئاگاهیان، چەتەیێن پەکەکێ زارۆکێ ب ناڤێ سوبحی محەمەد ئەل مەنسوور 14 سالی، ناڤێ دایکا وی سەعدە، ژ داییک بوویێ 10ێ نیسانا 2010 ل باژارێ منبجێ یێ رۆژھلاتێ باژارێ حەلەبێ رەڤاند.
تەڤی کو ھەسەدێ د خزیرانا 2019 دە لگەل نەتەوێن یەکگرتی پلانەک ژ بۆ بداویکرن و قەدەغەکرنا تەڤلیکرنا زارۆکان د ناڤا چەکاران دە ئیمزە کربوو. لێ ژ دەما کو پەیمان ھاتیە ئیمزەکرن ڤە، رەوشا رەڤاندنا زارۆکان بداوی نەبوویە.
مالباتێن زارۆکێن رەڤاندی ژی کریارێن چەتەیێن ب ناڤێ “جوانێن شۆرەشگەر” شەرمەزار دکن و بانگ ل رێخستنێن کو گرینگیێ ددن مافێن زارۆکان، رێخستنێن ناڤدەولەتی و ئالیێن پێوەندیدار دکن کو فشارێ ل رێڤەبەریا خوەسەر و ھەسەدێ بکن تا کو چارەنڤیسا زارۆکێن وان دیار بکن.
