د شەرمەزارکرنا نرخێن نەدادپەروەرانە یێن کو ل سەر بەرھەمێن چاندنیێ ژ بۆ جۆتکاران، ب تایبەتی گەنم، ھاتنە سەپاندن جۆتکارێن باژارێ عاموودێ یێ رۆژئاڤایێ کوردستانێ دەرکەتن خوەپێشاندانەکێ، و داخوازا سەرەراستکرنا نرخێ گەنم کرن.
دوهی رۆژا یەکشەمبێ (26/5/2024) جۆتکارێن باژارێ عاموودێ یێ کوردستانا سووریێ دەرکەتن خوەپێشاندانەکێ بۆ شەرمەزارکرنا بریارا رێڤەبەریا پەیەدێ، کو نرخێ گەنم ب 31 سەنتان دەستنیشان کریە، و تێدە داخوازا سەراستکرنا نرخێ ھەر کیلۆیا گەنم ب 50 سەنتان کرن.
وەلاتیان سلۆگانێن “ئێدی بەسە”، “مە زەڤیێن خوە ب خوینا خوە ئاڤ دانە و ئەم بێبەرامبەر نافرۆشن”، “ئەم داخوازا سەراستکرنا بریارێ بۆ 50 سەنتان دکن و مرن و نە سڤکاتیکرن” بلند کرن.
رۆژا یەکشەمبێ (26/5/2024) رێڤەبەریا پەیەدێ نرخێ یەک کیلۆ گەنم ل گۆر سیستەما ھەژماری یا دەمسالا 2024 ب (31) سەنتان دیار کر.
