ناسنامه‌یا فه‌رمانداره‌كی دن یێ هه‌په‌گێ ئاشكه‌ره بوو كو 4 سالان به‌رێ ل سینۆرێ وانێ یا ل باكورێ كوردستانێ هاتیه كوشتن و ژ نوو ڤه مرنا وی ئیفشا بوو.
هه‌په‌گێ باسكێ له‌شكه‌ری یێ په‌كه‌كێ ئیرۆ رۆژا دوشه‌می 27/5/2024ێ ناسنامه‌یا فه‌رمانداره‌كی خوه یێ ب ناڤێ مسته‌فا شه‌هابه‌ددین ب كۆدناڤێ ره‌شید سه‌ردار ئاشكه‌ره كر كو ل 27 گولانا سالا 2020ێ ل هه‌رێما نۆردز یا گرێدایی پاییزاڤا یا وانێ كه‌تیه به‌ر ئێریشێن هه‌وایی یێن ده‌وله‌تا ترك و ژیانا خوه ژ ده‌ست داییه.
هه‌په‌گێ مرنا فه‌رماندارێ خوه مسته‌فا شه‌هابه‌ددین وه‌كه ب سه‌دان كادرۆ و فه‌رماندارێن دن بۆ ده‌ما 4 سالان ڤه‌شارتی هشتبوو و ئیرۆ ژ نوو ڤه هاتیه دبێژه ئه‌م وی ب رێزداری ببیرتینن.
د په‌سنی ڤی فه‌رماندارێ خوه ده په‌كه‌كه دبێژه: «رەشید واتەیا ژیانێ د ناڤا په‌كه‌كێ دە دیت. ئه‌وی پیڤانێن میلیتانیا ئاپۆیی ژ بۆ ژیانێ ژ خوه ره ئه‌ساس گرتبوو!».
ئه‌ڤ په‌سنا په‌كه‌كێ ل ده‌مه‌كی تێ كو پیڤانێن ملیتانیا ئاپۆ ته‌نێ مرنێ پێشكێشی جوانێن كوردان دكه و ژیانێ ژ وان دستینه.
