خه‌ته‌رییا په‌كه‌كێ ل سه‌ر گوندێن پارێزگه‌ها دهۆكێ پڕ زێده‌بوویه
ئێریشێن هه‌وایی و به‌ژاهی یێن ده‌وله‌تا ترك ل سه‌ر بنكه و لڤ و ته‌ڤگه‌رێن په‌كه‌كێ ل سینۆرێ پارێزگه‌ها دهۆكێ پڕ دژوار بوونه، ب ئاوایه‌كی كو د 5 رۆژێن رابووری ده، پێتری 10 گوند و ده‌ڤه‌رێن دیار یێن سینۆرێ دهۆكێ كه‌تنه به‌ر ئێریشان و زراره‌كه مه‌زن ب شێنیێن وان كه‌تیه.
داركا مازی بیلانچوویا 5 رۆژێن رابووری، ئانگو ژ 22 هه‌یا 27 گولانا 2024ێ یێن لڤ و ته‌ڤگه‌رێن په‌كه‌كێ ل سینۆرێ پارێزگه‌ها دهۆكێ و گوند و هه‌رێمێن كو كه‌تنه به‌ر ئێرێشن هه‌وایی یێن دەولەتا ترکیێ ب دەست خستنه و ئاشكه‌ره دبه كو ژ 22ێ گولانێ ڤه بالافرێن ده‌وله‌تا ترك و ئارتێشا وێ په‌كه‌كه ل پێتر 10 گوند و ناڤچه‌یێن پارێزگه‌ها دهۆكێ هه‌ده‌ف گرتیە.
گوند و ده‌ڤه‌رێن دهۆكێ یێن كو ژ 22ێ مه‌ها گۆلانێ ڤه ب سه‌ده‌ما په‌كه‌كێ راستی بۆمبه‌بارانێ هاتین ئەڤن:
گوندێ ده‌رگه‌لا مووسا به‌گێ
ل 2024/5/21:
دەمژمێر 1:40 تا 2:30 نیڤرو تۆپخانه‌یا ئارتێشا تركیێ ئاقارێ گوندێ دەرگەلا مووسا بەگێ ل دەڤەرا بەرواری بالا تۆپباران کریە و هه‌ژمارا 6 گوللـه‌تۆپان لێخستنه.
گوندێن گوهه‌رزێ، شێلازا و گویلكا، به‌رچی و سه‌رگه‌لێ
ل 2024/5/22:
دەمژمێر 10:05 سپێدێ تۆپخانه‌یا ئارتێشا تركیێ تۆنێلا ل هنداڤی گوندێ گوهەرزێ یێ گرێدای ناحیا دێرەلووکێ ل دەڤەرا نهێلیا تۆپبارانکرییە.
دەمژمێر 2:10 تا 2:20 نیڤرۆ دەنگێ تەقەکا زۆر ل نێزیکی گوندێ شێلازا ل ناحیا كانی ماسێ ل دەڤەرا بەرواری بالا هاتیە پاشی دەمژمێر 2:25 نیڤرۆ تۆپخانه‌یا ئارتێشا تركیێ یا ل سه‌ر گابنێركی 3 تۆپ ل ناڤ گوندێ شێلازا داینه.
دەمژمێر 4:10 تا 4:20 ئێڤاری تۆپخانه‌یا ئارتێشا تركیێ زێدەتر ژ 15 گوللـه تۆپان ل گەلیێ دەرگەلا مووسا بەگێ و گویلکا ل دەڤەرا بەرواری بالا داینە.
دەمژمێر 11:30 سپێدێ تا رۆژا پاشتره ده‌مژمێر 12:20 شەڤێ دو بالافرێن ژ جۆرێ هەلیکۆپتەر یێن ئارتێشا تركیێ ئاقارێ گوندێ دەرگەلا مووسا بەگێ ل ناحیا کانی ماسێ ل دەڤەرا بەرواری بالا ب چەکێ دۆشکە و مووشەک بۆردومانکرییە.
دەمژمێر 7:04 تا 7:15 مەغرەب بالافرێن ئارتێشا تركیێ دەڤەرێن گیزانێ، سەرێ شارا و تڕاشا بەرازا كو دکەڤنە ئاقارێ گوندێن بەرچێ و سەرگەلێ ل ناحیا دێره‌لووكێ ل دەڤەرا نهێلیا بۆردومانکرینە و هه‌ژمارا 4 مووشەکان لێخستنه.
دەمژمێر 10:30 شەڤێ تۆپخانه‌یا ئارتێشا تركیێ دەریێ بێرا ل رۆژئاڤایێی تۆنێلا هنداڤی گوندێ گوهەرزێ ل ناحیا دێره‌لووكێ ل دەڤەرا نهێلیا تۆپبارانکرییە.
گه‌لیێ بێشیلێ و تۆنێلا هنداڤی گوهه‌رزێ
ل 24\5\2024:
دەمژمێر 6:05 تا 6:20 مەغرەب بالافرێن ئارتێشا تركیێ ئاقارێ گوندێ شێلازا، گەلیێ دەرگەلا مووسا بەگ و گەلیێ بێشیلێ ل دەڤەرا به‌رواری بالا بۆردۆمانكرینه و هه‌ژمارا 4 مووشەکان لێخستنه، هەروەسا دەمژمێر 6:10 مەغرەب تۆنێلا هنداڤی گوندێ گوهەرزێ ل ناحیا دێره‌لووكێ ل دەڤەرا نهێلیا بۆردومانکرینە و یه‌ك مووشەک لێدایە.
ل 25\5\2024:
دەمژمێر 6:15 تا 6:20 مەغرەب بالافرێن ئارتێشا تركیێ ئاقارێ گوندێ شێلازا و گەلیێ دەرگەلا مووسا بەگێ ل دەڤەرا بەرواری بالا بۆردومانکرینە و هه‌ژمارا دوو مووشەکان لێخستنه.
دەمژمێر 10:15 تا 11:00 شەڤێ دوو بالافرێن ژ جۆرێ هەلیکۆپتەر یێن ئارتێشا تركیێ ئاقارێ گوندێ بێشیلێ – ناحیا کانی ماسێ دەڤەرا بەرواری بالا ب چەکێ دۆشکە و مووشەک بۆردومانکریە.
ل 26\5\2024:
دەمژمێر 12:00 نیڤرو بالافرێن ئارتێشا تركیێ گەلیێ دەرگەلا مووسا بەگ ل دەڤەرا بەرواری بالا بۆردومانکریە و ئێک مووشەک لێدایە.
دەمژمێر 5:45 تا 6:20 مەغرەب بالافرێن ئارتێشا تركیێ گەلیێ بێشیلێ ل دەڤەرا بەرواری بالا و تۆنێلا گوندێ گوهەرزێ ل دەڤەرا نهێلیا بۆردومانکرینە و هه‌ژمارا دوو مووشەکان لێخستنه.
دەمژمێر 11:20 شەڤی دوی بالافرێن ژ جۆرێ هەلیکۆپتەر یێن ئارتێشا تركیێ ب چەکێ دۆشکە ته‌قه ل ئاقارێ گوندێن بێشیلێ و دەرگەلا مووسا بەگێ ل دەڤەرا بەرواری بالا کریە.
ده‌ریێ بیرا، گه‌لیێ بازێ و شكه‌فتا بابه‌كرا
ل 27\5\2024:
دەمژمێر 12:56 پشتی نیڤرۆ و 4:12 ئێڤاری تۆپخانه‌یا ئارتێشا تركیێ پشتا گوندێ گوهەرزێ، تۆنێلا گوهەرزێ و دەریێ بیرا ل ناحیا دێره‌لووكێ ل دەڤەرا نهیلیا تۆپبارانکرینە.
ده‌مژمێر 5:40 ئێڤاری بالافرێن ئارتێشا تركیێ گەلیێ بازێ و شکەفتا بابەکرل دەڤەرا بەرواری بالا بۆردومانکرینە و دوو مووشەک لێخستنه.
ژ ده‌ستپێكا مه‌ها گولانێ ڤه ده‌وله‌تا ترك ئێریشێن ئاسمانی ل دژی په‌كه‌كێ ل باشوورێ كوردستانێ تایبه‌ت ل سینۆرێ پارێزگه‌ها دهۆكێ دژوار كرنه، په‌كه‌كێ وه‌نداهیێن مه‌زن دا نه، ئه‌ڤ یێك ل ده‌مه‌كی تێ نێزیكبوونا شه‌ر و په‌ڤچوونان بۆ سینۆرێ گوندێن پارێزگه‌ها دهۆكێ نیگه‌رانیه‌ك مه‌زن ل جه‌م شێنیێن گوندان چێكریه و په‌كه‌كه ب ڤێ یه‌كێ ب زانه‌بوون دكه و دخوازه ئه‌و گوند و هه‌رێمێن دهۆكێ ژ شێنییان وه‌رن ڤالا كرن.
