فه‌رمانداره‌كی دن یێ په‌كه‌كێ ب ئێریشا ئاسمانی یا ده‌وله‌تا ترك هاته كوشتن و رێخستنێ ئه‌ڤ دو مه‌هن مرنا وی ڤه‌شارتی هشتیه.
ناڤەندا راگهاندن و چاپەمەنیێ یا هه‌په‌گێ ئیرۆ رۆژا چارشه‌می 29/5/2024ێ داخویانی ده‌ربارێ فه‌رمانداره‌كی خوه یێ ب ناڤێ موسلح بورهان ب ناڤێ كۆد عه‌ورێ چیا دا و تێ ده گۆت كو ئه‌ڤ فه‌رماندارێ وان ل 24 ئادارا ئیسالێ ل زاپێ كه‌تیه به‌ر ئێریشان و هاتیه كوشتن.
هه‌په‌گێ وه‌كه ته‌ڤ گه‌ریلا و فه‌رماندارێن دن یێن كو هاتنه كوشتن، مرنا فه‌رماندارێ خوه موسلح ژی ڤه‌شارتی هشتیه و ئیرۆ پاش ده‌رباسبوونا دو مه‌هـ و 5 رۆژان ژ نوو ڤه مرنا وی ئیفشا كر.
ل گۆری داخویانیێ، هه‌په‌گێ موسلح بورهان ب «فەرماندارێ فەداییێ یێ ئاپۆ په‌سن كریه و گۆتیه ئه‌و د ئێرشا دژمن دە جانێ خوە ژ دەست دایە.
فه‌رماندارێ هه‌په‌گێ موسلح بورهان ژ باژارێ جوانرۆیێ یێ رۆژهلاتێ کوردستانێ یە و به‌ریا دو مه‌هان ل زاپێ هاتبوو كوشتن.
