خوەپێشاندانێن شەرمەزارکرنا بریارا رێڤەبەریا پەیەدێ یا دەربارێ نرخێ گەنم ل باژار و باژارۆکێن رۆژئاڤایێ کوردستانێ و ناڤچەیێن دن یێن د بن دەستێ وێ دە، ب تایبەتی ل باژارێن عاموودێ و دربێسیێ بەردەوامن.
رۆژا سێشەمێ (28/5/2024) جۆتکارێن باژارێ عاموودێ یێ رۆژئاڤایێ کوردستانێ ژ بۆ سێیەمین رۆژ ل سەر ھەڤ، دەرکەتن خوەپێشاندانەکێ و داخوازا سەرەراستکرنا نرخێ گەنم کرن.
خوەپێشاندەران سلۆگانێن “نە ل سمبلێ خوە وەلات رانازێ، ب چارشەفێن خوە پێل نەکن – رسقێ مە ھێلا سۆرە – مە گەنمێ خوە ب خوینا خوە ئاڤ دایە و ئەم بێبەرامبەر نافرۆشن – دژمن مە ب گولەیان دکوژە، ھوون ژی ب بریارێن خوە مە دکوژن” بلند کرن.
ھەروها د ھەمان رۆژێ و بۆ دویەمین رۆژ ل سەر ھەڤ، خەلکێ باژارێ دربێسیێ یێ رۆژئاڤایێ کوردستانێ دەرکەتن خوەپێشاندانێن گرسەیی، و بریارا رێڤەبەریا پەیەدێ دەربارێ نرخێ گەنم ژ بۆ سالا 2024.
د خوەنیشاندانێ دە سلۆگانێن مینا خوەپێشاندەران پانکارتێن ب نڤیسا “ئەڤ بریار سڤکاتیە ب خوینا شەھیدان – پێویستە لێڤەگەرینەک ل بریارا ستەمکار و نە رەوا ڤهێتە کر.” بلند کرن.
د داخویانیەکێ دە یەک ژ جۆتکاران تەکەز کر کو رێڤەبەریا پەیەدێ ب ڤێ بریارێ داخوازێ ژ مە دکە کو ئەم دەست ژ وەلاتێ خوە بەردن و گۆتنەک تایبەت ژ فەرماندارێ ھێزێن سووریا دەمۆکراتیک مەزلووم کۆبانی رە کر و گۆت: ب مەبەست من. شال جل و بەرگێن عەرەبی ل خوە کرن، ژ بەر کو ئەز دزانم ھوون ژ پێکھاتەیا عەرەب حەز دکن، مخابن ئەم گھیشتنە ڤێ قوناغێ”.
دەستەیا چاندنی و ئاڤدانێ یا رێڤەبەریا پەیەدێ دوھ سێشەمبێ (28/5/2024) د کۆنگرەکی رۆژنامەڤانی دە راگھاند کو نرخێ کرینا گەنم (31) سنتان نایێ گوھەرتن و نرخ دێ وەکە خوە بمینە.
دوشەمبێ ژی خوەنیشاندانێن نەرازیبوونێ ب ھەمان مەبەستێ ل باژارێ رەقایێ و دێرا زۆرێ ب رێ ڤە چوون.
جۆتکارێن باژارۆکێ ئەل-عەزبا ل گوندەوارێ باکورێ دێرا زۆرێ ژی دوھ، دوشەمبێ، بەشداری خوەنیشاندانەکا مەزن بوون، کو تێ دە خوەپێشاندەران بریارا رێڤەبەریا پەیەدێ دەربارێ بهایێ گەنمی یا سالا 2024 شەرمەزار کرن.
رۆژا یەکشەمبێ (26/5/2024) رێڤەبەریا پەیەدێ نرخێ کیلۆیا گەنمی ب (31) سەنتان دیار کر، ل گۆر سیستەما ھەژماری یا دەمسالا 2024 دەستنیشان کر کو د سالێن بووری دە نرخێ گەنم وھا بوو: د سالا 2023 نرخ ب 43 سنتان بوو و د سالا 2022 دە ب 55 سنتان بوو.
