p.language-links a { text-decoration: none; color: black; background-color: #e0e0e0; /* default gray */ padding: 4px 8px; border-radius: 0px; font-size: 13px; transition: background-color 0.3s; } p.language-links a:hover { background-color: #ca0000; color: white; } p.language-links a.active { background-color: #ca0000; /* active URL */ color: white; }
ئارتێشا ئیراقێ 4 كه‌چێن عه‌ره‌ب یێن په‌كه‌كێ ره‌ڤاندین، ڤه‌گه‌راندن
ئارتێشا ئیراقێ 4 كه‌چێن كو به‌ریا 3 رۆژان په‌كه‌كێ ژ كۆمه‌لگه‌ها «ئوم زیبان» ره‌ڤاندین، ڤه‌گه‌راندن و پشتی ئیفاده‌یێن وان ژ هێلا دادوه‌رێ له‌كۆلینێ ڤه هاتنه وه‌رگرتن، ڤه‌گه‌رین مالێن خوه.
رۆژا چارشه‌می 29\5\2024ێ 5 كه‌چێن ته‌مه‌نا وان د ناڤبه‌را 13 بۆ 15 سالیێ ده كو ژهۆزه‌كا عه‌ره‌ب یا نیشته‌جیها كۆمه‌لگه‌ها «ئوم زیبان» یا ل سینۆرێ شه‌نگالێ نه، ژ هێلا په‌كه‌كێ ڤه هاتبوون ره‌ڤاندن، پشتره ئالۆزی ده‌ركه‌ت و جوانێن وێ هۆزێ و كه‌سوكارێن وان كه‌چان چه‌ك هه‌لگرتن و كارێ شه‌ری ل دژی په‌كه‌كێ كرن.
چاڤكانیێن داركا مازی ئاشكه‌ره كرن، دوهـ رۆژا ئینی 30/5/2024ێ فه‌رماندارێ فرقه‌یا 20 یا ئارتێشا ئیراقێ ئه‌سیل حه‌مزه ده‌ربارێ چاره‌نووسا وان كه‌چان ل باره‌گه‌ها یه‌به‌شێ یا ل خانه‌سوورێ ب سه‌رحه‌ت عه‌فرینی، به‌رپرسێ پێوه‌ندیێن یه‌به‌شێ جڤیا و ده‌ربارێ ڤه‌گه‌راندنا وان كه‌چان ژ چیایێ شه‌نگالێ گهیشتن رێككه‌فتنێ.
ده‌ستنیشان كر، به‌رپرسێ پێوه‌ندیێن یه‌به‌شێ گه‌ف خوارن كو هه‌گه‌ر ئه‌و كه‌چ نه‌خوازن ڤه‌گه‌رن تو هێزه‌ك نكاره وان ژ چیایێ شه‌نگالێ ببه.
ل گۆری چاڤكانیێن مه، ژ سه‌رجه‌ما 5 كه‌چێن ره‌ڤاندی 4 ژێ هاتن ڤه‌گه‌راندن و پاش كو ئیفاده‌یێن وان ژ هێلا دادوه‌رێ له‌كۆلینان یێ به‌عاج ڤه هاتنه ستاندن، بۆ مالێن وان هاتن ڤه‌گه‌راندن.
كه‌چێن كو هاتنه ڤه‌گه‌راندن ناڤێن وان ووسایه:
ره‌هه‌ف ناسر جاسم ژدایكبوویا 2012.
شاهه سه‌میر حمێدی ژ دایكبوویا 2013.
دوعا عه‌واد محه‌مه‌د ژدایكبوویا 2013.
مونا میه‌سه‌ر جاسم ژدایكبوویا 2013.
