ئیسرایلێ ئێریشی سەر چەند جھێن ل دەردۆرا حەلەبێ کر و ل گۆری مەدیایا سووریەیێ ژی، د ئەنجاما ئێریشێ دە ھەژمارەک کەس ھاتن کوشتن.
ئاژانسا فەرمی یا سووریەیێ “سانا” ل سەر زارێ ژێدەرەکی لەشکەری بەلاڤ کر، ئارتێشا ئیسرایلێ ئیرۆ دەمژمێر 12:20یێ شەڤێ، ب مووشەکان ئێریشی دەردۆرا حەلەبێ کر.
ل گۆری وی ژێدەری، د ئەنجاما ئێریشێ دە ھەژمارەک کەس ھاتنە بریندارکرن و کوشتن و زیانێن مادی ژی چێبوونە.
ژ ئالیەکی دن ڤە، رەوانگەھا سووری بۆ مافێن مرۆڤان (SOHR) بەلاڤ کر، ئیسرایلێ کارگەھا باقر ل باژارۆکێ ھەیانێ یێ ل باکورێ حەلەبێ کرە ئارمانج کو د دەستێ میلیشیایێن سەر ب ئیرانێ دەیە.
دا زانین ژی، د کارگەھێ دە گەلەک تەقین چێبوون و ئاگر پێکەت و تیمێن بەرگریا شارستانی و ئامبولانس گھیشتن جھێ بوویەرێ، ژ بۆ ئاگر ڤەمرینن و کوشتی و برینداران راکن.
ل گۆری زانیاریێن سۆھرێ، د ئێریشێ دە 12 چەکدارێن میلیشیایێن سەر ب ئیرانێ ھاتنە کوشتن.
ژ دەستپێکا سالا 2024 ڤە 44 جاران ئیسرایلی خاکا سووریێ کریە ئارمانج و ل 92 ئارمانج، خال و بارەگەھان دانە، ھەروھا 160 لەشکەر و چەکدار ھاتن کوشن و 69 ژی بریدار بوونە. ھەروھا 13 کەسێن سڤیل ھاتنە کوشتن.
