سەرۆکوەزیر مەسروور بارزانی ل دھۆکێ کەڤرێ بنگەھینێ دو پارکان داتینە

سەرۆکوەزیرێ ھەرێما کوردستانێ مەسروور بارزانی ئیرۆ 3 خزیرانێ ل دھۆکێ کەڤرێ بنگەھینێ دو پارکان ئالۆکا و سەرھلدان (بەرووشکێ) داتینە.

د ھەیاما چار سالێن بۆری دە، زێدەتر ژ 959 پرۆژەیێن مەزن و بچووک ل پارێزگەھا دھۆکێ ب بھایێ زێدەتر ژ 1 تریلیۆن و 81 ملیار دینار ھاتنە جیبجیکرن.

ژ وان 959 پرۆژەیان، 485 پرۆژە کەتنە خزمەتا وەلاتیان و خەباتێن 423 پرۆژەیێن دن ژی بەردەوام دکن. ھەڤدەم، ئەرێکرنا جیبجیکرنا 51 پرۆژەیێن دن یێن خزمەتگوزاریێ ل پارێزگارێ دھۆکێ ھاتیە دایین.

پارێزگارێ دھۆکێ در.عەلی تەتەر پێشتر گۆتبوو، “د دەما بۆری دە، مە گەلەک پرۆژە ل گوندان جیبجی کرنە و مە خواست زێدەتر گرنگیێ ب وان بدن. پرۆژەیێن کو ھاتنە جیبجیکرن د وارێ رێ، ئاڤرێژ، ئەلەکتریک و گەلەک وارێن دن دە.”