ژ ئالیێ پارێزەریا جۆلەمێرگێ ڤە ھات راگھاندن کو ناڤ سینۆرێن جۆلەمێرگێ دە ژ 3 خزیرانێ 08.00 سبێ ھەتا 12 خزیرانێ ھەمو جورە چالاکی ھاتنە قەدەغەکرن.
پشتی کو ھەڤسەرۆکێ شارەداریا جۆلەمێرگێ محەمەد سدیق ئاکش ل وانێ ھات بنچاڤکرن ژ ئالیێ پارێزگەریا جۆلەمێرگێ ڤە ھات راگھاندن کو ل جۆلەمێرگێ بۆ 10 رۆژان ھەموو جورە چالاک ھاتنە قەدەغەکرن و بانگ ل وەلاتیان ھات کرن، پابەندێ قەدەغەیێ بن.
ھات زانین، پشتی ھەڤسەرۆکێ شارەداریا جۆلەمێرگێ محەمەد سدیق ئاکش ھات بنچاڤکرن ھێزێن ئەولەکاریێ ژی ئاڤێتنە سەر ئاڤاھیا شارەداریا جۆلەمێرگێ و لێگەرین کرنە.
دەم پارتیێ ژی داخویانیەک بەلاڤ کر و بانگ کر کو بلا وەلاتی د چارچۆڤەیا دەمۆکراتیک دە د ئاستا ھەری بلند دە بەرتەکێن خوە نیشان بدن و بانگ ھات کرن کو ھەمو ئالیێن دەمۆکراسیپارێز دڤێت ھەمبەر ڤێ دەربەیێ ھەلوەستێ نیشان بدن.
دەم پارتیێ گۆت کو “ئەڤ تێگھشتنا قەیومپارێز بۆ ھەمو ڤینا ترکیەیێ گەفە.”
