رێخستنا په‌كه‌كێ بیلانچۆیا مه‌ها گولانێ یا شه‌رێ خوه یێ ساخته راگهاند و ل گۆری وێ 43 عه‌سكه‌رێن ترك هاتنه كوشتن و ت ئاماژه ب وه‌نداهیێن چه‌كدارێن خوه نه دانه، هه‌موه‌خت ده‌وله‌تا ترك كوشتنا ده‌هان گه‌ریلایان د هه‌مان مه‌هێ ده راگهاندیه.
هه‌په‌گێ باسكێ له‌شكه‌ری یێ په‌كه‌كێ ئیرۆ رۆژا دوشه‌می 3/6/2024ێ بیلانچۆیا شه‌رێ خوه و ئارتێشا تركیێ ئاشكه‌ره كر و گۆت كو د ڤێ مه‌هێ ده چه‌كدارێن وان 43 عه‌سكه‌رێن ترك كوشتنه، 4 بریندار كرنه.
هه‌په‌گێ ت ئاماژه ب وه‌نداهیێن گه‌ریلایان نه دایه.
ئه‌ڤ بیلانچۆیا هه‌په‌گێ هه‌موه‌ختا داخویانیێن وه‌زاره‌تا پاراستنا نه‌ته‌وی یا تركیێ تێن یێن كو ژ ده‌ستپێكا مه‌ها گولانێ ڤه دهاتن پارڤه‌كرن و تێ ده كوشتنا پێتری 100 چه‌كدارێن په‌كه‌كێ هاتیه راگهاندن.
ده‌وله‌تا ترك و رێخستنا په‌كه‌كێ سه‌رێ هه‌موو مه‌هه‌كێ بیلانچۆیێن شه‌ر پارڤه‌دكن و هه‌ر یێك دبێژه مه ئه‌وقاس كوشتنه، لێبه‌لێ هه‌ردو ئالی راست نابێژن و ڤێ وه‌كه شه‌ره‌كی تایبه‌ت ل دژی هه‌ڤ دمه‌شینن، یێن كو زرارا راستین یا ڤی شه‌رێ ساخته ددن، شێنیێن باشوورێ كوردستانێ نه.
